Rasul 1:20 - O GIKIMOI AWI JAJI ma BUKU

²⁰ De o Petrus wobicara kali wotemo, “O Yudas wodadi manga roriri gena sababu kanaga isilefo o Mazmur ma Bukuka, itemo komanena, ‘Awi tahu magena bilasu yodongosaka, de bilasu o nyawa moi lo upa yogoge.’ Kanagali isilefo komanena, ‘Bilasu o nyawa ma somoa awi manara yatagali.’

Rasul 1:20 Referans Kwoze

Rasul 1:25

so bilasu o Yudas witagali la waaka o rasul ma manara magena. Sababu o manara magena o Yudas wodongosaka, so ma ngale magegena asa ma fanggali wamake, ena gena o sangisara ikokakali ma rihoka.”

Lukas 24:44

Dabolo de Una wotemo onaka, “Manena o kia naga tinisingangasu nginika, ma orasi idomaka de Ngohi kanaga dede nginisi. O bi moi-moi ma ngale Ngohi, kiaka o Jou Awi bobita o Musa de lo o bi nabi ma somoa isilelefo ma Buku ma rabaka de lo o Mazmur ma Bukuka gena, dangodu bilasu isiganapu.”

Lukas 20:42

Salanta o Daud masirete lo de o Gurumi Datetebi ma kuasa sidago lo wipeto Unaka ‘Ai Jou’. Kanaga isilefo o Mazmur ma Bukuka o Daud wotemo, ‘O Jou Gikimoi wotemo ai Jouka: Nomatamiye to Ngohi Ai girinaka la Ai horomati namake sidago Ani saturu taaka la yahino inisuba Ngonaka.’ So nakoso igogou o Daud wiaso Una awi Jou, done imaaka idodooha so ona itemo, o Salamati ma Kolano Awi aheli ma sihino o Daudno.”

Rasul 1:16

“Ai dodiao nipipiricaya ningodu! O kia isilelefo idomaka o Gikimoi Awi Jaji ma Buku ma rabaka, ena gena kiaka o Gurumi Datetebi wosingangasu o Daudka, ma ngale o Yudas gena womadadika o bi nyawa o Yesus witatago manga roriri la wangaho, magena bilasu idadi.