Matius 7:3 - O GIKIMOI AWI JAJI ma BUKU

³ Ce! To ngini nia dodiao manga sala daceke maro o gaapo manga lakoka magena aku niakelelo, duma niakelelowa kanaga nia sala ilalamo maro o ifa moi yodebesu nia lako masireteka.

Matius 7:3 Referans Kwoze

Galatia 6:1

De lo ai dodiao nipipiricaya, nakoso ngini nia sidongirabaka lo de o nyawa la kanaga o dorouku yoturaka, de ngini o Gurumi Datetebi ma demo niaaaka gena bilasu o nyawa ona magena niangoho la aku o dorou gena yaaka kawa. De ma boboloi niasibicara de nia sininga lo damuudu de o moi-moi niaaka ma rabaka gena ngini lo bilasu nimajaga daloha, upa sidago ngini lo o dorouku nitura.

Lukas 18:11

O Farisi ma nyawa una magena womaokoye de wosumbayang, awi sininga ma rabaka wotemo, ‘Ya Gikimoi, ngohi ai sukuru tatide Ngonaka, sababu ngohi manena maro o nyawa ma somoawa, ena gena yototosi, o nyawa o dorou yaaaka, eko lo yosusundali de komagena lo ngohi imaterowa maro o balastengi wototolomu una magena.

Matius 7:4

Idodooha so ngini nitemo nia dodiaoka, ‘Nahino la ngohi o gaapo ani lakono tosisupu,’ duma kanaga lo maro o ifa moi yodebesu to ngini nia lako masireteka.

Matius 7:5

He! Ngini manena nikokulai! Ma nonomaka ngini bilasu o ifa moi yodebesu to ngini nia lako masireteka nisisupu kasi. Dabolo la nia lako datebika, de asa idadi so o gaapo nia dodiao manga lakoka gena aku niakelelo so nisisupu kali.”

Roma 2:1

Ngini ai dodiao o Yahudika ma nyawa, upa lo nia siningaka nitemo o nyawa ma dorou maro ona magegena bilasu yasisala de manga dorou ma fanggali yamake. Nako komagena, de ngini nitemoli bilasu ngini masirete lo nisisala de nia dorou lo o Gikimoi wafanggali de o dorou. Sababu maro to ona lo de manga sala komagena lo ngini, so akuwa niasitemo, “Ngohi ai dorou moi lo ihiwa.” Maro komagena upa bai!