Matius 4:3 - O GIKIMOI AWI JAJI ma BUKU

³ So kagena de o Iblis yahino de iwibaja itemo Unaka, “Ngona gena igogou o Gikimoi Awi Ngopa. So hika o bi teto manena nasulo la imadadi o roti la aku naodo.”

Matius 4:3 Referans Kwoze

1 Tesalonika 3:5

Ngone pomakitingaka de ngohi he tapoha kawa, so towisulo la o Timotius wakahika nginika ma ngale ai edekati gena bilasu tanako nakoso igogou ngini o Yesus niwipiricaya daputurusi. Sababu ngohi tohawateri upa sidago o Iblis ngini inibaja daboloka so o Yesuska niwipiricaya kawa, so to ngomi mia manara datotubuso gena ma faida de ma sopo lo ihiwa.

Gogelelo 2:10

He! Niisesi. Ngaroko, ngini upa he nimodoli. Sababu igogou-gogou sutusi de o Iblis asa yaaka so ngini nimuruo naga o bui ma rabaka nisingosa la inibaja ma ngale Ngohi upa he nipiricaya. Komagena de asa nisangisara, duma ma deka cawali o wange mogiowo. La ngaroko kagena de ona yodupa nitooma, tanu ngini asa niapiricaya daputuru Ngohika. Nako niaaka komagena, de ma fanggali asa taaka nginika so ngini dede Ngohi asa nioho ka sidutu ikakali. Komagena so ngaroko kanaga ngini nisangisara ifoloi, tanu upa he nimodoli.

Matius 3:17

Ato itangi de o ili moi yoise o sorogaku itemo, “Una manena to Ngohi Ai Ngopa towidododara. De Una magena Ngohi towidupa.”

Ibrani 12:16

De lo nimasidodiahi la upa sidago nginino kanaga o nyawa moi lo o nyafusu ma dorou nidupa niaaka. De upa sidago lo niaaka maro o Esau idodomaka, sababu o Gikimoi Awi laha unaka he wafaduliwa, so awi ria ma haku o Gikimoi Awi laha wamake gena wositagali de ma nongoru awi ino o kupuo.

Rasul 9:20

de gila-gila wotagi o Yahudika manga puji ma bi tahuka wosihabari o Yesus Una magena o Gikimoi ma Ngopa.

Lukas 4:9

Dabolo de o Iblis o Yesus iwingaholi o Yerusalemka, de iwihado kadaku o Gikimoi Awi Tahu ma ponaka, de itemo Unaka, “Igogou! Ngona o Gikimoi ma Ngopa. Hika kanena de kudahu nomatura.

Lukas 4:3

So kagena de o Iblis iwibaja de itemo Unaka, “Ngona gena igogou o Gikimoi Awi Ngopa. So hika o bi teto manena nasulo la imadadi o roti la aku naodo.”

Matius 14:33

So kagena o deruka Awi muri-muri manga suba yatide Unaka de lo itemo, “Igogou, Ngona manena o Gikimoi Awi Ngopa!”

Matius 16:16

O Petrus wotemo, “Baba, Ngona manena o Salamati ma Kolano, o Gikimoi woooho Awi Ngopa.”

Matius 26:63

Duma Una womarihika bato. La ma Imam Wilalamo wisano kali Unaka, “De o Gikimoi woooho Awi ronga, nosingangasu ngomino! Igogou, Ngona o Salamati ma Kolano de o Gikimoi ma Ngopa?”

Markus 1:1

Manena gena o habari daloloha o Yesus Kristus, o Gikimoi Awi Ngopa.

Markus 3:11

So ma orasi o nyawa yadadala de manga tokaka wikelelo Una, gila-gila ibukuku de manga suba yatide de imatoore, “We! Ngona manena o Gikimoi ma Ngopa!”

Markus 5:7

Duma o Yesus wosulo wikokitoka una magenaka, de wotemo, “He, toka! O nyawa una manenano nisupu.” Kagena de o nyawa una magena asa womatoore de wotemo, “Yesus, o Gikimoi Wikukuruye ma Ngopa, noidooha ngohika! Togolo o Gikimoika nojaji, kodo, upa noisangisara!”

Lukas 1:35

O malaikat gena wotemo, “O Gurumi Datetebi asa wouti de wahino ngonaka, so o Gikimoi Wikukuruye Awi kuasa ma buturu lo asa igoge ngonaka. Komagena so o ngopa moi asa nowisibuo Una magena witebi, de wisiaso o Gikimoi ma Ngopa.

Lukas 4:41

De yakokitoka yadala manga toka wodusu so imahoika. De manga toka wodudusu gena imatoore itemo, “We! Ngona manena o Gikimoi ma Ngopa!” Duma Una wasimaha kawa manga toka ibicara, sababu o toka lo iwinako Una magena o Salamati ma Kolano.

Lukas 22:70

De ona yangodu yotemo kali, “Nako komagena, de Ngona manena igogou o Gikimoi ma Ngopa?” Kagena de Una wosango wotemo, “Iya! Komagena maro kia ngini nitetemo.”

Yohanes 1:34

De ngohi tanako igogou de ngohi towikeleloka, so tinisingangasu tagogou nginika, Una magena o Gikimoi ma Ngopa.”

Yohanes 1:49

Kagena de o Natanael wotemo, “Wewe! Baba Guru, so Ngona ka noinako bai! Igogou-gogou, Ngona gena o Gikimoi ma Ngopa. Ngona manena o Israelka ma nyawa manga Kolano.”

Yohanes 9:35

Ma orasi o Yesus wogiise idodomaka una wopipilo kanaga ona iwisimaha kawa o puji ma tahuka wowosa kali, de Una wotagi wopipilo kawa gena wisari. So wimakeka, de Una wotemo, “Idodooha ngona gena nowipiricaya o Nyawa ma Duhutuka.”

Yohanes 20:31

So o nonako ihahairani waaaka magena, ngaroko dangoduwa, duma asa isilefoka, la ma ngale ngini aku niopiricaya igogou o Yesus Una magena o Salamati ma Kolano de lo Gikimoi ma Ngopa. De nakoso ngini asa niwipiricaya Unaka, de ma sababu ma ngale Una magegena so aku niamake o oho ma duhutu.

2 Korintus 1:19

Sababu o Gikimoi ma Ngopa o Yesus Kristus, kiaka ngomi o Silwanus de lo o Timotius miwisihohabari nginika, Una gena wongaliwa. Una Awi sininga ipeluwa, de idadiwa la ma moi wotemo, “Komagena,” de ma moili wotemo, “Komagenawa.” To Una Awi ngale ngoneka magena lo itagaliwa de aku popiricaya.

Galatia 2:20

Komagena so o orasi manena gena upa ngohi ai buturu masirete so ai sininga itiai, duma cawali de ma Kristus Awi oho ma buturu asa aku ai sininga itiai. La ma ngale o orasi manena ngohi tooho de o Gikimoi Awi Ngopa towipiricayaka, la Una magena asa aku ai sininga itotiai gena waaka. Sababu Una magena ngohi woidodara de ma ngale ngohi lo Una wodupa wosone.

Ibrani 4:14

Igogou, ngone kanaga de nanga Imam Wilalamo moi la o sorogaka wowosa sidago waado o Gikimoi Awi simaka, la ma ngale ngone gena Una wogolo, ena gena o Yesus o Gikimoi ma Ngopa. Ma ngale komagena so ngone nanga piricaya Unaka gena bilasu pomasigocoho daputuru.

Ibrani 7:3

Nakoso awi jarita gena pabaca, de ma baba eko ma awa, eko lo awi ete de awi topora gena yodedemowa, de o kia naga moi lo ihiwa la yodedemo awi oho ma solano eko awi oho ma dodogu. Ngone aku potemo o Melkisedek manena imatero de o Gikimoi ma Ngopa, sababu una wodadi o imam ka sidutu ikakali.

1 Yohanes 3:8

Duma nakoso o nyawa la kanaga o dorou yodupa yaakasi, de ona magena o Iblis ma dupa gena yamoteka. Sababu o orasi ma nonoma kasi sidago o orasi manena de o Iblis o dorou gena wodupa waaka. O Gikimoi ma Ngopa wahinoka ma ngale o Iblis ma manara wasisa.