Matius 26:4 - O GIKIMOI AWI JAJI ma BUKU

⁴ Ona imatekefakati la de manga edekati ma ngeko gena isipongoka, ma ngale o Yesus witago de witooma.

Matius 26:4 Referans Kwoze

Matius 12:14

Kagena de o bi Farisika o puji ma tahuno isupu de itagi la imatekesikagaro de imatekefakati, la ma ngale o Yesus witooma.

Rasul 13:10

de wotemo, “He! Ngona nitotodamatoko de o nyawa ma dorou, ngona nalawangi o Gikimoi Awi manara so ngona maro ka o Iblis! Dadoohaso nitodamatoko o Jou Gikimoi Awi manara itotiaika.

Rasul 7:19

O kolano una magena awi edekati wasidipito to ngone nanga nyawa, sidago wapareta manga ngopa asa isibubuoku yaumo de yadohaka, la ma ngale o ngopa magena isoneka.

Matius 23:33

Icala! Ngini manena o nyawa nikokulai, maro o ngihia gena o nyawaka yagoli. Idodooha sidago ngini aku nimasirese o naraka ma sangisarano.

Dodadi 3:1

Ma orasi magena de o bi haiwani ifofufuru o Jou Gikimoi wosidadika, dangodu ma rabano de o haiwani o ngihia gena ma cawaro wogaka so ma edekati foloi datorou. So kagena de o ngihia moi asa ma sininga ma rabano o dorou ibao so o ngopedeka muna magena imibaja itemo, “Idodooha o Gikimoi winisibeseso nginika, ‘O bi gota dangodu ma sopo upa niaodo.’ ”

2 Korintus 11:3

Duma ngohi foloi tohawateri, upa sidago ngini gena o nyawa inikulai so ngini ma Kristus niwipiricaya duma nia sininga igogou kawa. Maro ongo Hawa idodomaka o ngihia ma cawaro wogaka de ma edekati datorou so imibaja de moturaka.

Markus 14:1

Midirika de o Paskah ma Wange ma Rarame imasidiado komagena lo o Roti ma Ragi Ihihiwa ma Rarame gena isitodaaka. O imamka ma bi sahe de o bi guru agama manga edekati ma ngeko gena isipongoka, ma ngale o Yesus witago de witooma.

Yohanes 11:53

Ma wange magegenaka de ma simaka, ona lo asa imatekefakati ma ngeko idodooha la o Yesus gena aku iwitooma.