Matius 2:1 - O GIKIMOI AWI JAJI ma BUKU

¹ Idadi de imaaka komagena, so o Yesus wisibuo gena o Betlehem ma dokuka o Yudea ma daeraka, ma dongoho magena o Herodes wopareta maro ka o kolano moi. De kanaga lo o orasi magena o bi nyawa icocawaro nodoka o Yudea ma daera ma wange ma nyonyieka de ona magena ma soa ikukuruka, de itagi yakahino o Yerusalem ma kotano.

Matius 2:1 Referans Kwoze

Yohanes 7:42

Kanaga ngini nianakowa o Gikimoi Awi Jaji ma Buku ma rabaka isilefo o Salamati ma Kolano gena ma kolano Daud awi ngopa de awi danoku moi. De lo he niawosaka o Daud awi doku gena o Betlehemno. Mutuwade o Salamati ma Kolano gena bilasu o Betlehemka ma nyawa.”

Lukas 2:11

O putu manena kagena ma kolano Daud awi doku o Betlehemka o ngopa yanau moi wisibuo. Una magena wodadi o kolano la ma ngale ngini o dunia ma nyawa nia dorouno bilasu winisisalamati, ena gena ma Kristus, nanga Jou.

Dodadi 49:10

Ngona ani ngopa de ani dano done o nyawa yapareta, ipareta imatoguwa sidago o nyawa moi ngo wahino. Una magena wihiri de wisulo wahino wopareta so o bi doku yangodu lo wisigise ka ka una bai.

Matius 2:5

De ona unaka itemo, “O Betlehem ma kotaka kanena o Yudea ma daeraka, sababu o kia idomaka o Jou wotemo maro ma nabi Mikha wosilelefo daboloka, ena gena,

Matius 1:25

Duma una woholusi womingaho la imasikiidu dede muna. Awi ngale gena womidohaka sidago lo muna mopuo kasi. Komagena so ma bati muna o ngopa Una magena mowisibuoka. Dabolo de o Yusuf o ngopa Una magena wisironga o Yesus.

Lukas 2:15

Kagena de o bi malaikat magena o sorogaye ilihoka, de o sowohi ona magena imatekebicara moi de moika, “Hino la ngone potagi o dokuka la o hali idadadika, maro o kia o Jou wonasingongangasu ngoneka, gena panano.”

Lukas 1:5

Ma orasi o Herodes wopareta maro ka o kolano moi o Yudea ma daeraka, de kanaga o imam moi awi ronga o Zakharia. Una magena o imam moi o bi imam o bolu moi manga topora o Abia gena manga sidongirabano. Una awi pedeka ami ronga ongo Elisabet, de muna ami topora lo gena manga sihino o imam moili.

Matius 2:19

So ipasaka de o Herodes wosoneka, de ma dongoho magena o Yusuf de awi tahu ma raba moi gena ka o Mesir kasi de o Jou Awi malaikat moi womasimane o Yusuf awi doguruga ma rabaka.

Matius 2:3

So de ma Kolano Herodes wogiise o habari magena, de una wimodo de awi sininga isusa, de lo ma ngale manga kolano gena nagala done wadoosa so o Yerusalemka ma bi nyawa lo yadala yamodo de manga sininga isusa.

Dodadi 10:30

Awi ngopa de awi dano gena yangodu manga goge o Mesaka de ikahika o wange ma nyonyieka o Sefar ma bi talaka.

Dodadi 41:8

So o goginitano, to una awi sininga ma rabaka igamamu poli so wosulo la o Mesirka ma nyawa o doguruga ma ngale yatotagapi de o nyawa icocawaro ona yangodu waaso yahino imatolomu. So awi doguruga onaka wasijarita, duma o nyawa moi lo yaakuwa awi doguruga ma ngale gena isingangasu unaka.

Matius 2:7

Dabolo de o Herodes awi nyawa wapomaka de wasulo so itagi imapongoka, la yaaso o nyawa icocawaro ona magena so awi simaka yahino de wasano wotemo onaka, “Kapuruosi de o ngoma magena niakelelo o dipaka.”

Matius 2:16

Ma orasi o nyawa icocawaro ona magena ilihoka, de o Herodes asa wogiise so una wanako itiai, igogou o nyawa icocawaro gena iwisihagaka. So foloisi witoosa, sababu awi edekati o ngopa Una magena bilasu witooma. So kagena de o Herodes awi prajurit wasulo bilasu itagi o Betlehemka de magena ma sigilolika, la o bi ngopa yanau manga umuru o taungu sinotoka de isikahuku gena bilasu yatooma. Sababu una wositero de o nyawa icocawaro manga singangasu unaka o ngoma magena yakelelo ma nonoma o dipaka, gena he o taungu sinoto dabolo ipasaka.