Lukas 9:5 - O GIKIMOI AWI JAJI ma BUKU

⁵ De lo nakoso o riho moika la nitulu, de ona ngini iniholu sidago o habari daloloha magena lo yoise iholu, o riho magena niodongosa. Duma nia dohu ma gaapo niapari kasi la imaaka o nonako moi onaka, igogou ona magena de manga fajaka o Gikimoi Awi simaka.”

Lukas 9:5 Referans Kwoze

Rasul 18:6

Duma o Yahudika ona ka isiholu, so o ronga ma dorou wigaka. So kagena de o Paulus o gaapo awi bajuno wapari, maro o nonako moi gena, ma ngale ona isalaka de wadupa kawa, so wotemo, “Ce! Ngini manena nisiholu o habari ma ngale o Yesus, so o Gikimoi done asa winisangisara. De sababu ngohi tinisihabari daboloka, ma ngale o Yesus akuwa nisisala ngohika. So lebelaha ngohi totagi o bi nyawa o Yahudika yasowo la kagena onaka tosihabari.”

Rasul 13:51

So kagena de o rasul yasinoto magena o nonako yahike so manga gaapo manga dohu ma sohaka yapari gena ma ngale yasisitiari manga manara yaaka dabolo onaka, sababu o Yahudika ma nyawa kagena ipiricaya iholu. Dabolo de ona itagi o Ikonium ma kotaka.

Markus 6:11

De lo nakoso o riho moika la nitulu, de ona ngini iniholu sidago nia demo o habari daloloha magena lo yoise iholu, o riho magena niodongosa. Duma nia dohu ma gaapo niapari kasi la imaaka o nonako moi onaka, igogou ona magena de manga fajaka o Gikimoi Awi simaka.”

Lukas 10:16

Dabolo de o Yesus wotemoli wimomote ona magenaka, “O nyawa nagoona ngini nia demo yadehe daloha, magena imatero de ona lo Ngohi Ai demo yadehe daloha. O nyawa nagoona ngini iniholu, magena imatero de ona lo Ngohi iholu. So o nyawa nagoona la Ngohi iholu, ona manga holu ma manara magena lo ma meta Ai Babaka, sababu Ngohi Una woisulo so tahino.”

Lukas 9:48

de wotemo onaka, “O nyawa nagoona la o ngopa manenaka iwidehe daloha sababu ona imote Ngohi, magena imatero de ona lo Ngohi idehe daloha. So o nyawa nagoona la Ngohi idehe daloha, ona manga manara magena lo ma meta Ai Babaka, sababu Ngohi Una woisulo so tahino. Nagoona so yasiceke to ngini nia sidongirabaka, ona magena foloi yolamo.”

Markus 9:37

“O nyawa nagoona la o ngopa manenaka iwidehe daloha sababu ona imote Ngohi, magena imatero de ona lo Ngohi idehe daloha. So o nyawa nagoona la Ngohi idehe daloha, ona manga manara magena lo ma meta Ai Babaka, sababu Ngohi Una woisulo so tahino.”

Lukas 5:14

Dabolo de o Yesus wipoma wotemo, “Upa nodedemo o nyawaka. Cawali nogila-gila o imamka, la ani rohe yatailako. So naaka maro o Musa awi bobita wotetemoka, de ani gaso natota o Gikimoika, maro o sinako moi o bi nyawaka igogou ngona nilohaka.”

Matius 10:18

De lo ngini asa ningaho o bobaretaka eko o kolanoka ma sababu ngini to Ngohi Ai muri-muri. So magena to ngini nia orasi daloloha moi la ma ngale Ngohi de o habari daloloha gena niasingangasu onaka de lo o nyawa ma somoasi, ena gena o Yahudika ma nyawa yasowo.

Lukas 9:4

Nakoso o doku moika niwosa de ka o tahu moika nimasidodogu, de upa nimatotuluru ma bati o doku magena niodongosa.