Lukas 9:45 - O GIKIMOI AWI JAJI ma BUKU

⁴⁵ Magena de Una Awi demo de Awi simodoto ma ngale gena kanaga isingangasu waasi so ona yanakowa, duma ona yamodo so yododato imasano Unaka.

Lukas 9:45 Referans Kwoze

Lukas 18:34

Duma ma ngale o kia Una wotetemo gena, dangodu igogou Awi muri-muri asa yanakowa, sababu Awi demo ma ngale gena kanaga isingangasu waasi, so idadiwa ona yanako.

Yohanes 12:16

Komagena yadadala Una iwihoromati, duma o orasi magenaka o Yerusalemka womasidiado, de o bi moi-moi dangodu idadadi Unaka ma ngale Awi muri-muri asa isihodawa. Done ma orasi Una Awi boosuno wisioho kali, de wodola ma Baba Awi simaka wisimulia, daboloka de asa ona isihoda o nyawa yadadala manga horomati Unaka gena ka isiganapu o kia idomaka isilelefo o Gikimoi Awi Jaji ma Buku ma rabaka.

Lukas 2:50

So Una wotemo komagena ma baba de ma awaka, duma ona asa yanakowa ma ngale o kia Una wotetemo gena.

Markus 9:32

Magena de Una Awi demo de Awi simodoto ma ngale gena ona yanakowa, duma ona yamodo so yododato imasano Unaka.

Yohanes 14:5

So o Tomas wotemo o Yesuska, “Jou, ngomi manena mianakowa kiaka Ngona notagi, so idodooha ngomi o ngeko magena aku mianako.”

Yohanes 12:34

De ona yadadala magena iwisango itemo Unaka, “We! Ngona notemo done asa nosone? Duma ngomi miise kanaga isilelefo o Gikimoi Awi Jaji ma Buku ma rabaka itemo, nako o Salamati ma Kolano asa upa wosone, duma Una kanena wooho ka sidutu ikakali. So o kiaso notemo, o Nyawa ma Duhutu magena o duniaka de witide o sangahadiye. Mutuwade Ngona bilasu nomidoto kali ma ngale o Nyawa ma Duhutu Una magena naguuna.”

Markus 9:10

La Una Awi muri-muri yacoho to Una Awi beseso magena, duma ona masirete manga sidongirabaka isibicara itemo, “To Una Awi demo ‘wosoneka so wipoosuka de wooho kali’ ena gena ma ngale o kia.”

Matius 16:22

La o Petrus woise de o Yesus Awi giaka walia la imatingaka, gila-gila wisidapano wotemo, “Jou, tanu o Gikimoi wonisiraro la upa idadi komagena.”

Lukas 9:46

O Yesus Awi muri-muri imatekesikokoholu ma ngale nagoona foloi ilamo to ona manga sidongirabaka.

Matius 17:22

So o Galilea ma tonaka o Yesus de Awi muri-muri imatolomuka, de Una watemo onaka, “Ngohi o Nyawa ma Duhutu manena done asa isidoa Ai saturu manga gia ma sohaka,

Yohanes 4:33

Magena de Awi muri-muri ona imatekekasano moi de moika itemo, “Nagala kanaga o nyawa o ino sutu Una wigahoka, eko idodooha.”