Lukas 9:28 - O GIKIMOI AWI JAJI ma BUKU

²⁸ O Yesus wodoto komagena so o nahadi moi ipasaka, de wangaho Awi muri yaruwange, ena gena o Petrus, de o Yohanes, de o Yakobus itagi imatinga o tala moi ikukuruye, la kagena wosumbayang.

Lukas 9:28 Referans Kwoze

Lukas 6:12

O orasi magena o Yesus o tala moiye wodola la ma ngale wosumbayang, so kagena o putu moi wapasiku wosumbayang o Gikimoika.

Lukas 9:18

Ma moiku o Yesus kanaga wosumbayang womatengoka, de Awi muri-muri yahino Unaka, de Una wasano onaka, “Nako o nyawa gena ona itemo, Ngohi manena naguuna.”

Lukas 8:51

Kagena de itagi o Yairus awi tahuka so imasidiado, de o Yesus o nyawa ma somoa wasimahawa. Ka cawali o Petrus, de o Yohanes, de o Yakobus de lo o ngopa magena ma awa de ma baba wasimaha iwimote so iwosa.

Markus 6:46

So de o nyawa yadadala magena ilihoka, de Una o pido moika wakahika la wosumbayang.

Markus 1:35

Ilangi-langi daginitano, de o Yesus womomika, so wosupu o doku ma duduka so wahika o riho moi imatitingano, la kagena asa Una wosumbayang.

Ibrani 5:7

Ma orasi o Yesus kanaga o dunia manenaka, de Una wosumbayang de Awi gari-garika de womatoore wogolo o Gikimoika. Una wanakoka o Gikimoi de Awi kuasa aku o soneno wipalako, duma Una lo Awi dupa masirete gena wamotewa de wosigise ka o Gikimoi Awi dupa. Komagena so o Gikimoi asa Una Awi gogolo gena woise.

2 Korintus 13:1

De manena so he ma para ma saangeka ngohi tahika ngini tinikurumi. Kanaga o Gikimoi Awi Jaji ma Buku ma rabaka isilelefoka itemo, “Nakoso o nyawa moi ona de manga sala eko hiwa gena yatailako, bilasu kanaga o saksi yasinoto eko yaruwangeka la ma ngale ona magena manga demo gena imaketero, la o hali magena aku isitatapu.”

Lukas 3:21

Ma orasi o Yohanes wibui waasi so kanaga o nyawa waosisi, de o Yesus lo asa wahino la wiosi. Una wiosika dabolo so wosumbayang, de imatodoka o dipa ipelenga,

Matius 5:1

Ato o Yesus wakelelo o nyawa yadadala ona magena iwimoteno, de Una wodola o doku moiye. So dabolo de kagena wogogeku, de o nyawa iwimomote gena yahino so kagena iwisigilolino,

Matius 14:23

So de o nyawa yadadala magena ilihoka, de Una womatengoka o pido moika wakahika la wosumbayang. So dapuputuka gena, Una ka kagenasi.

Lukas 5:16

So Una bilasu womatinga wahika o riho moika de o riho moi kali, la kagena asa Una wosumbayang.

Yohanes 6:3

So Una de Awi muri-muri itagi idola o tala moiye, so kagena ma ngunu moi ma pidoka de ona kagena igogeku.

2 Petrus 1:16

Sababu ngomi manena idomaka ngini minidoto daboloka nanga Jou Yesus Kristus wokokuasa gena done asa wahino kali o duniaka. Mia dodoto magegena upa lo nitemo o jarita ifufuma. Komagenawa! Ngomi mianako o dodoto magena igogou, sababu ma orasi ipapasaka, ngomi de Una o talaka, de ngomi masirete miwikeleloka Una Awi kuasa foloisi ilamo.