Lukas 8:33 - O GIKIMOI AWI JAJI ma BUKU

³³ so o toka idadala gena isupu o nyawano de widongosaka, de yowosa o titika. O titi ma duduo magena iloda de kugena o dirasuku itura, so dangodu o talagaku dalutu de isoneka.

Lukas 8:33 Referans Kwoze

Gogelelo 9:11

Kanaga onaka o malaikat ma dorou moi una wapopareta o busune iluluku-lukuku o dunia ma litimika. Awi ronga de o Ibranika manga demo gena o Abadon, de o Yunanika manga demo gena o Apolion (ma ngale gena “Wototooma”).

1 Petrus 5:8

De lo ngini bilasu nia sininga de nia rohe ma nyafusu gena niapareta daloha de lo nimajaga so nimasidailako daboloka. Sababu nia lawangi o Iblis gena o ngeko womasisari ma ngale ngini nipipiricaya winisitura, maro o singa moi yakahika yakahino ka imuru-muru yasari ma ino la aku yaodo.

Yohanes 8:44

So igogou, o Iblis asa wodadi to ngini nia baba. Komagena so ngini niodupa nisigise de niaaka una awi nyafusu ma dorou. O Iblis ma sininga gena komanena. Ma nonomaka, kanaga una magena wototooma moi. Kanaga awi rabaka o diai moi lo ihiwa, so una woholu o kia naga itototiai wamote. O Iblis gena o damato wodupa so una gena o damato ma baba. So una awi damato gena itoguwa, sababu o damato ma demo gena ka o Iblis ma demo.

Matius 8:32

Magena de wotemo, “Nitagi bato!” So o toka magena isupu o nyawano, de yadongosaka de yowosa o titika. Imatodoka de o titi ma duduo magena iloda de kugena o dirasuku itura, so dangodu o talagaku dalutu de isoneka.

Lukas 5:1

So ma moiku o Yesus kanaga womaokoye o Genesaret ma talaga ma dateka, de o nyawa yadadala iwisidehelo Unaka, yodupa o Gikimoi Awi demo yoise.

Lukas 8:32

O orasi magena de o titi idadala o tala ma ngunu magenaka o ino imasari. De o toka imagolo Unaka, “Nako daloha, de o titika nomidusulo la asa o titika miwosa.” Magena de wasimaha

Lukas 8:34

O kia idadadi magena o titi yasosowohi lo yakelelo, de ona yoloda de itagi o doku de o soaka isihabari.