Lukas 8:30 - O GIKIMOI AWI JAJI ma BUKU

³⁰ De wosano, “Ani ronga naguuna.” Wikokitoka una magena wosango, “Ai ronga Dala.” (Wosango komagena sababu wikokitoka una magena awi toka idala.)

Lukas 8:30 Referans Kwoze

Matius 26:53

Dadodooha so ngini nianako waasi, nakoso Ngohi togolo Ai Babaka, de igogou Una magena asa jai-jai bato wasulo o malaikat kanaga yadala icarawa la yahino Ngohi iriwo.

Lukas 8:2

Kanaga lo o ngopedeka yamuruo naga iwimote. Ona magena idomaka manga panyake wasilohaka eko yakokitoka manga toka gena wodusu so imahoika. Mimoi ongo Maria, misiaso lo ongo Magdalena. O orasi moiku o Yesus wodusu to muna magena ami toka ngai tumudingi.

Markus 16:9

La o Nahadi ma goginitano, o Yesus wooho kali o nyawa isosone manga sidongirabano, de Una womasimane ma noma-noma ongo Maria Magdalenaka, muna idodoma Una asa wodusu to muna manena ami toka ngai tumudingi.

Matius 8:29

Kagena de manga toka imatoore de itemo, “He! O Gikimoi ma Ngopa, nomidooha ngomika! Migolo, kodo, upa nomisangisara! Ma orasi gena yaado waasi.”

Markus 5:9

De wosano, “Ani ronga naguuna.” Wikokitoka una magena wosango, “Ai ronga Dala, sababu ngomi manena o toka midadalaka.”

Matius 4:24

Mutuwade o habari ma ngale o Yesus gena o bi nyawa yogiise de yanako sidago o bi doku o Siria ma daera ma sigilolino, so o nyawa yadadala yahino Unano. O nyawa ona magena yangaho o nyawa yasisiri yadala moi-moi de manga panyake imaketerowa. O nyawa ona magena kanaga manga siri isangisara poli, yakokitoka, yamumusu de lo manga rohe isosone yangodu ona magena Una wasilohaka.