Lukas 8:3 - O GIKIMOI AWI JAJI ma BUKU

³ Mimoi ongo Yohana o Khuza ma pedeka, una woleleleani moi o Kolano Herodes awi kadatoka. Kanaga lo ongo Susana de lo o bi ngopedeka ma somoali yadadala. O ngopedeka ona magena de manga pipi masirete aku yariwo o Yesus de lo Awi muri-muri.

Lukas 8:3 Referans Kwoze

1 Timotius 5:10

De bilasu muna magena lo o nyawa minako o orasi isigeto-geto ka o loha maaka. Komagena bilasu muna ami ngopa-ngopa mapalihara dalohaka, de modupa maaso o nyawa ma somoa imasidodogu ami tahuka, de lo modupa maleleani o bi nyawa o Yesus wipipiricaya de ami sininga ma loha o bi nyawa isususaka. So komagena muna foloi modupa o loha moi-moi dangodu gena maaka mokaeli.

Filipi 4:22

De lo to ngohi ai dodiao ipipiricaya kanena ma binukasi lo manga salam yosidingo tanu asa nimakamake kali de ngini, ma boboloi ona kanaga ma Kaisar awi kadatoka yomomanara.

2 Korintus 8:9

Upa ngohi ngini tinisulo, sababu ngini masirete nianako nanga Jou Yesus Kristus Awi laha gena ilamo poli ngoneka. Ngaroko o sorogaka Una igogou wokaya, duma Awi kaya gena dangodu ka wapalako ma ngale womadadi o nyawa wosususa moi. Komagena waaka la ngone gena aku o Gikimoi Awi simaka asa podadi pokaya.

Matius 26:11

O bi nyawa isususa salalu kanaga igoge to ngini nia sidongirabaka. Duma Ngohi de ngini asa pomakangaho iteka kawa.

Matius 25:40

De ma kolano Ngohi gena asa tasango onaka, ‘Ngini tinisingangasu igogou, o kia bato niaaaka to Ngohi Ai dodiao imomote ona manenaka, ngaroko ona yacecekeka, duma de magena ma ngale lo ngini niaaka Ngohika bai!’

Matius 2:11

Gila-gila o nyawa icocawaro ona magena iwosa o tahu ma rabaka, de wikelelo o ngopa Una magena ma awa mowitotino. Kagena de ona ibukuku de manga suba yatide Unaka. Dabolo de manga borua yapelenga so o guraci, o manyanyi, de o bi gososo dabobou gena iwihike maro idadi manga suba ma nonako moi Unaka.

Lukas 24:10

O ngopedeka, kiaka isingongangasu, ona magena ongo Maria Magdalena, ongo Yohana, ongo Maria o Yakobus ma awa de lo o bi ngopedeka ma somoasi imakokomote dede ona.

Rasul 13:1

Kanaga o Antiokhiaka o gogobu manga sidongirabano o nabi o habari daloloha isihohabari de lo o guru o nyawa ipipiricayaka yododoto, ena gena o Barnabas, o Simeon iwisironga lo o Niger, o Lukius o Kireneno ma nyawa, de o Menahem ma Kolano Herodes ma dodiao de lo o Saulus.

Matius 14:1

Ma orasi magena o Galilea ma kolano gena o Herodes Antipas de una magena woise ma ngale o Yesus de Awi nonako ihahairani.

Matius 14:3

Ma sababu komagena ma Kolano Herodes womasininga, ena gena ma orasi idomaka de una womasipedeka ongo Herodias, muna magena o Herodes ma nongoru masirete, awi ronga o Filipus, ma pedeka. De o Yohanes he ma para ma dala wisidapano de wingamo o Herodeska, “Ce! Dalohawa, nako ngona nomikawi ani nongoru ma pedeka sababu muna magena ani modoka.” So o Herodes wasulo awi prajuritka o Yohanes iwitago, so ona witagoka de lo wipiliku de o bui ma rabaka wisingosaka.

Matius 14:6

Dabolo de ma Kolano Herodes awi sibuo ma wangeka, o rarame magena ma rabaka ongo Herodias ami ngopa moselo so una magena womidupa icarawa.

Matius 20:8

Kagena de o wange itumuka, de ma doro ma duhutu magena wotemo awi nyawa wosisasahe moika, ‘Naaso yomomanara ona magena la ma ngale manga sewa moi-moi nafangu. Ma nonomaka sidago ona ibitototuuruno o cako motoha de asa yowowosa lo nafangu, dabolo de nafangu ona imomanara ibidodomano o goginita nosi de yowosaka.’

Matius 27:55

Kagenadahu lo o bi ngopedeka yadadala yakelelo ma soa sutu ikuruka. Ona magena idomaka ma orasi o Yesus o Galilea ma bi dokuka so Una wimomote de wiriwoka.

Yohanes 12:6

Una awi demo ma ngale gena, ngaroko, wosidoohawa o nyawa isususaka, so cawali ma ngale una masireteka, sababu una wodupa watosi. Una magenaka o Yesus Awi muri-muri manga manara ma pipi gena una wisicoho de ma nonoma kasi masoa-masoa kanaga o pipi yatotolomuno gena una watosi.