Lukas 8:1 - O GIKIMOI AWI JAJI ma BUKU

¹ Dabolo de o Yesus wotagi o bi doku ma sigilolika wageto de o habari daloloha wosihabari ma ngale o Gikimoi asa wopareta maro o kolano moi. Una Awi muri yamogiowo de sinoto lo Una iwimote.

Lukas 8:1 Referans Kwoze

Matius 4:23

Dabolo de o Yesus o Galilea ma bi doku wakiloli so wahika manga puji ma bi tahuka wodoto de o habari daloloha wosihabari ma ngale o Gikimoi asa wopareta. De lo o nyawa yasisiri de yopopanyake gena yangodu wasiloha.

Roma 10:15

De lo nakoso o nyawa la ma ngale Awi habari Una wasulo waasi isihabari, de idodooha o nyawa itagi isihabari. Kanaga Una Awi Jaji ma Buku ma rabaka itemo, ‘Igogou, o nyawa la kanaga yahino o habari daloloha yosihabari gena, o manara moi magena daloha icarawa.’ Ngaroko o Gikimoi wojaji komagena, duma Awi jaji magena wosiganapu waasi.”

Rasul 13:32

So ma ngale magegena o orasi manena ngomi minisingangasu o habari daloloha nginika: Kiaka o Yesus wisiohoka o sone ma rabano gena, o Gikimoi waaka dabolo maro o kia wojajika to ngone nanga ete de nanga topora o Israel ma nyawaka. Komagena lo o Mazmur ma fasali sinotoka isilefo gena o Gikimoi wotemo, ‘Ngona gena Ai Ngopa. O wange manena Ngohi tadedemo yangoduka, igogou Ngohi gena to Ngona Ani Baba.’

Rasul 10:38

Ena gena, idodooha o Yesus o Nazaret ma nyawa o Gikimoi Una iwihirika, so wihike o Gurumi Datetebi de lo o kuasa. De wotagi o doku wakokiloli o nonako ihahairani waaka o bi nyawa manga simaka, de o bi nyawa o Iblis yapopareta ona magena lo yadala wasilohaka, sababu o Gikimoi dede Una.

Lukas 4:18

“O Jou Gikimoi Awi Gurumi kanaga Ngohika, sababu Una Ngohi woisitatapu la Ngohi o habari daloloha tosihabari o bi nyawa isususaka. Una woisulo la tasingangasu yatatagoka, ‘Nogena ngini nipalakoka!’ Una woisulo la tasingangasu ipipiloka, ‘Orasi manena dabolo ngini nimasigeleloka!’ De Una woisulo la yasidodipito gena tapalako.

Markus 1:39

Kagena de Una wotagi o Galilea ma bi doku wakiloli so o habari daloloha wosihabari o bi puji ma tahu ma rabaka, komagena lo idala manga toka wodusu de wasisaka.

Matius 13:19

O gisisi ma binuka o ngekoka o namo yaodo gena, imatero bato o nyawa yoiseka o Gikimoi Awi habari, duma yosihodawa, so o Iblis wahino de wakoora to ona manga sininga ma rabano so isisaka.

Matius 11:1

O Yesus Awi muri yamogiowo de sinoto o siminiko wahike daboloka, kagena de womajobo so wotagi wodoto de o habari daloloha wosihabari, to ona manga doku imakokadateku wageto.

Matius 9:35

Magena de o Yesus o bi doku wakiloli so wahika manga puji ma bi tahuka, wodoto de o habari daloloha wosihabari ma ngale o Gikimoi asa wopareta. De lo o nyawa yasisiri de yopopanyake gena yangodu wasiloha.

Lukas 1:80

O Zakharia awi ngopa una magena foloika wilamo, awi sininga de awi rohe ma buturu lo asa idogoli. Wilamoka, de una wogoge o tona ibobeleuka, sidago ma orasi yaado done asa una o Jou Awi demo gena wotagi wosihabari o Israel awi ngopa de awi danoka.

Lukas 9:6

Kagena de ona imajoboka, itagi o bi dokuka yageto de isihabari o habari daloloha de lo ibipopanyake yasiloha.

Lukas 20:1

O wange moiku o Yesus wodoto de o habari daloloha wasihabari o nyawa yadadala kagena o Gikimoi Awi Tahu ma lolohaka. De imatodoka o imamka ma bi sahe, de o bi guru agama, de lo o Yahudika manga roriri yahino Unaka.