Lukas 7:41 - O GIKIMOI AWI JAJI ma BUKU

⁴¹ De Una wotemo, “Kanaga o nyawa yasinoto de manga nagi o pipi o nyawa moi wasibabauka. Wimoi awi nagi unaka o pipi o salaka ma ngai ratu motoha de lo wimoi awi nagi unaka cawali o pipi o salaka ngai moritoha.

Lukas 7:41 Referans Kwoze

Lukas 7:47

So ma ngale ami dodara ilalamo magena, so igogou-gogou ami dorou idadala gena isiaponguka. Duma o nyawa la kanaga manga dorou isiapongu de ka ma cunu, de ona magena lo yadodara ka ma cunu.”

Roma 5:20

Komagena so o bobita o Gikimoino gena ma ngale o nyawa manga dorou ma lamo asa aku yanako. De ngaroko o nyawa foloisi o dorou yaaka, duma o Gikimoi Awi laha ka ifoloisi wahike.

Matius 18:28

Daboloka, de o gilalo magena wosupu de una imakamake de awi dodiao moi ka wogogilaloli, awi nagi unaka cawali o pipi o cala muruo naga. De una awi dodiao gena witago de wigohore, de lo witemo, ‘Ce! Ani nagi dangodu bilasu nofangu!’

Matius 6:12

De to ngomi mia dorou tanu nosiapongu, imatero maro ngomi lo o nyawa manga dorou gena miasiapongu.

Roma 3:23

Sababu igogou o nyawa ngone inangodu o dorou he paakaka, so yaakuwa pomatekerimoi dede o Gikimoi de Awi nita ma rabaka pomasikogoge.

Lukas 11:4

De to ngomi mia dorou tanu nosiapongu, sababu ngomi lo o nyawa manga dorou gena miasiapongu. Upa nosimaha la o dorou imibaja ngomika.’ ”

Lukas 13:4

Komagena lo yamogiowo de tupaange yosoneka, ma orasi o Siloamka o tahu o falagaku moi ikukuruye yaduruba onaku so ona yosone, de nagala magena nia sininga ma rabaka nia fikiri isala so nitemo, to ona manga dorou magena foloi ilamo de o Yerusalemka ma bi nyawa yangodu.

Lukas 12:48

Duma yoleleani la kanaga yanakowa manga tuangi awi dupa, de done yaaka o kia naga isasala sidago bilasu yasifanggali de o dorou, ona magena asa yangapo ka ma cunuka. Sababu nagoona aku yapiricaya so yahike de ma boloika, komagena lo bilasu aku yagolo de yagegego onaka.”

Markus 6:37

Duma Una wotemo, “Ngaroko he upa! La ngini bato niasiodo.” De ona itemo, “Nakoso o nyawa manga dala manena de miasiodo gena, ma pipi o kiaka podehe de o roti miija la miasiodo!”

Lukas 7:40

Kagena de o Yesus wotemo o Farisi ma nyawa una magenaka, “Simon, kanaga o kia naga moi todupa totemo ngonaka.” O Simon wotemo, “Iya, Baba Guru, ka notemo bato.”