Lukas 7:4 - O GIKIMOI AWI JAJI ma BUKU

⁴ Ma orasi imasidiado o Yesuska, de ona iwibaja yagogou yotemo, “Baba, mia kapita una magena wotiai so Ngona nowiriwo,

Lukas 7:4 Referans Kwoze

Gogelelo 3:4

Ngaroko komagena, duma ngini o Sardiska ma nyawa kanaga nimuruo naga nia baju gena niafaja waasi eko nia sininga niapareta itotiai. Komagena so ngini gena done nitagi nimakomote dede Ngohi de nia baju lo ka daaare, sababu ma ngale ngini magenena o Gikimoi wotemo bilasu komagena.

Matius 10:13

De nakoso o tahu ma nyawa gena inidehe daloha, de igogou o Jou Gikimoi asa Awi laha wasidumu onaka. Duma nakoso ona ngini iniholu, de dohaka, done asa o Jou Awi laha gena ona he yamakewa.

Lukas 20:35

Duma o nyawa isosoneka la o Gikimoi wahiri itiaika bilasu o orasi ma simaka o dunia damomuaneka de ioho kali, ona magena he ikawi kawa.

Matius 10:11

Nakoso niwosa o doku moika, de hika o nyawa la kanaga yodupa inidedehe daloha gena ngini niasari. La kagena nimasidodogu, ma bati o doku magena niodongosa.

Lukas 7:3

Kagena de ma kapita wogiise gena o Yesus asa womasidiadoka, de una wasulo la o Yahudika manga roriri yamuruo naga yotagi yogolo o Yesuska, tanu Una wahino cai-cai la awi leleani una magena iwisiloha.

Lukas 7:5

sababu una ngomi o Yahudika ma nyawa womidodara, de lo o pipi womihike ngomika la ma ngale mia puji ma tahu isigoko.”

Rasul 10:2

Una magena de to una awi tahu ma raba moi manga sigogise daloha o Gikimoika de Unaka wodupa wisusuba. Una awi roriwo idala wahike o Yahudi ma nyawa isususaka de lo wodupa wosumbayang o Gikimoika.