Lukas 7:39 - O GIKIMOI AWI JAJI ma BUKU

³⁹ Magegena de o Farisi ma nyawa wakelelo o kia naga o ngopedeka muna magena maaka, de una awi sininga ma rabaka asa wotemo, “Nakoso o nyawa Una magena igogou o nabi moi, de Una aku wominako o ngopedeka muna magena de ami manara datotorou de womasimahawa Awi rohe mapada.”

Lukas 7:39 Referans Kwoze

Lukas 7:16

Kagena de o nyawa yangodu yohairani so iwisigiliri o Gikimoi, de yotemo, “Wewe! O nabi wilalamo moi womasinako to ngone nanga sidongirabaka. Igogou, o Gikimoi wahino o loha waaka Awi nyawaka.”

Lukas 15:2

Kagena de o Farisi ma nyawa de lo o bi guru agama ona magena asa imaridemo onaka, de yotemo, “Asitagala! Una gena wadodiao de woodo dede o bi nyawa ma dorou ona magena.”

Markus 7:21

Sababu o nyawa manga rabano, ena gena, manga siningano asa o bi dorou moi-moi ibao so manga manara o nyafusu ma dorou iaaaka, itotosi, itotooma,

Yohanes 9:24

So awi baba de awi awa isango daboloka, de ona wopipilo iwiaso kali so una warisima onaka. So ona ma sinotoka una wisano kali itemo, “Ngona bilasu o Gikimoi Awi simaka nosingangasu itotiai, de upa naihu, sababu ngomi Una miwinakoka. Una ani lako wosilohaka, Una magena o nyawa ma dorou moi.”

Yohanes 7:12

Kagena o nyawa yadadala manga sidongirabaka kanaga lo ma ngale Una iwisibicara gena ka imatekegogurubu moi de moika, duma ma binuka itemo, “Una Awi sininga daloha.” Ma binukali itemo, “Hiwa! Igogou, Una o nyawa wokokulai, wodupa o nyawa wasihaga.”

Yohanes 4:19

“Wewe, Baba! Nagala Ngona manena o nabi moi, sababu ma ngale to ngohi ai moi-moi gena dangodu aku nanako itiai.

Lukas 18:4

Ma nonomaka, o hakim magena munaka gena womiriwo woholu. Duma ma duuruka, awi sininga ma rabaka wotemo, ‘Ngaroko ngohi o Gikimoi towimodowa de lo nagoona bato tasidoohawa,

Lukas 16:3

O arata ma jojaga una magena asa awi siningaka wotemo, ‘O kia asa taaka. Ai tuangi wodupa woidusu ngohi. Ngohi iputuruwa totoro, de tomanara, de togogolo-golo o nyawaka gena ka imade.

Lukas 7:37

Kagena o doku magenaka kanaga lo o ngopedeka ma dorou moi, ami manara itotiaiwa. Ma orasi muna moise o Yesus kagena o Farisi ma nyawa awi tahuka woodo, de muna magena mahino de o gososo dabobou de ihahali o rube moi o teto ihahalino maaho.

Lukas 3:8

Hika nia sopo nisimane kasi, imatero de nia dorou dangodu niapalako, la aku tinipiricaya igogou ngini gena nimatoba de nimatodubaka. De upa lo nia sininga ma rabaka niatagapi de nitemo, ‘Igogou, ngomi manena o Abraham awi ngopa de awi danoku so mia dorou ma fanggali gena miamakewa.’ Komagenawa. Ngohi totemo nginika, igogou de o bi teto-teto manena bato o Gikimoi gena aku waaka o Abraham awi ngopa de awi dano so dadoohawa. Nakoso ngini nimatoba de nimatodubawa gena, bilasu Una asa winifanggali de o dorou.

Lukas 12:17

Una awi sininga ma rabaka wotemo, ‘Awalele! Ngohi gena o kiasi taaka. Ai pola gena ilamowa, so ka daceke poli la ai tona ma hasil magena tadiahi.

Matius 20:16

So o Yesus o ade-ade magena wosijarita dabolo de wotemo, “Komagena lo o orasi ma simaka de o nyawa yadala ibitototuuruno done asa ibidodomaka, so o orasi manena o nyawa yadala o orasi manena idodomaka done asa itotuuru kali.”

Matius 21:11

De o nyawa wimomote gena yosango, “Una o Yesus, o nabi moi o Nazaretno o Galilea ma tonaka.”

Lukas 7:38

Maaho de mogogeku o Yesus Awi dohuka, de asa moari. Una Awi dohu magena de ami kongo mosipesaka. Dabolo de ami hutu lo asa Awi dohu maese la dadudu, de mahame, de lo o gososo dabobou gena moguse de mosidahu.

Lukas 7:40

Kagena de o Yesus wotemo o Farisi ma nyawa una magenaka, “Simon, kanaga o kia naga moi todupa totemo ngonaka.” O Simon wotemo, “Iya, Baba Guru, ka notemo bato.”