Lukas 7:37 - O GIKIMOI AWI JAJI ma BUKU

³⁷ Kagena o doku magenaka kanaga lo o ngopedeka ma dorou moi, ami manara itotiaiwa. Ma orasi muna moise o Yesus kagena o Farisi ma nyawa awi tahuka woodo, de muna magena mahino de o gososo dabobou de ihahali o rube moi o teto ihahalino maaho.

Lukas 7:37 Referans Kwoze

Lukas 5:32

Magena imatero maro Ngohi tahino gena, taasowa o nyawa la kanaga itemo manga sininga itotiai, duma ma ngale taaso o nyawa de manga dorouka, la ma ngale manga dorouno gena ona aku imatoba de imatoduba.”

Matius 21:31

So de Ai jarita magena nako o ngopa yasinoto gena, naguuna ma baba awi dupa igogou waakaka.” De o Yahudika manga roriri ona magena yotemo, “Woriria.” So Una wotemo onaka, “Ngini tinisingangasu igogou, o balastengi itotolomu de lo o ngopedeka isusundali de manga rohe imasiiija, ona magena o Gikimoi asa wadehe daloha la Awi pareta ma rabaka yowosa, upa ngini.

1 Petrus 4:18

To Una Awi Jaji ma Buku ma rabaka isilefoka itemo, “Nako o nyawa manga sininga itotiai, ona lo bilasu o sangisara yamoku idoma de asa isalamati. Ma boboloi o nyawa kekiaka o bi moi-moi datotorou o Gikimoi wodudupawa yaaka, ona magena asa foloisi yasangisara.”

1 Timotius 1:9

De magena paaka itotiai nakoso ngone lo panako upa o bobita moi-moi magena o Gikimoi waaka ma ngale o nyawa manga sininga itiai Unaka, duma waaka ma ngale o bi nyawa datotorou, maro o nyawa ona manena: Ona o Gikimoi Awi bobita yatotilaku de iholu Una wisigise, de ona Una iwihoromatiwa de ona cawali o dorou gena yodupa yaaka. Komagena so ona Una wadudupawa de ona manga agama ihihiwa, de ona manga baba de manga awa de lo o nyawa ma somoa yatotooma.

Lukas 18:13

Duma o balastengi wototolomu una magena ka ikuruka womaokoye, de una woholu o dipaye womamataga de lo ma ngale awi beleso so awi mamata masirete wangangapoka, de wotemo, ‘Ya Gikimoi, tanu ngohi noigalusiri, ngohi manena o nyawa ma dorou.’ ”

Lukas 5:30

Kagena de o bi guru agama yamuruo naga, ona magena o Farisika, Una wikelelo womatamiye woodo de o bi nyawa ma dorou magena, so ona asa imaridemo de Una Awi muri-murika yotemo, “Aistagala! Dadoohaso Una woodo de o balastengi itotolomu de o bi nyawa ma dorou ona magena.”

Roma 5:8

Duma o Gikimoi gena ma ngeko idodooha kanaga wonasikelelo Awi dodara ngoneka, ena gena ngaroko ngone podupasi o dorou paaka, duma ma ngale ngone gena ma Kristus asa ka wosone.

Yohanes 11:2

Awi bira ongo Maria muna gena done o gososo dabobou mosidahu o Jou Yesus Awi dohuku de ami hutu masirete Awi dohu mosiese.

1 Timotius 1:15

O demo maro ma duuruka manena, gena igogou so bilasu o nyawa inangodu padehe daloha: “O Yesus Kristus wahino o dunia ma dokuka la o bi nyawa de manga dorouka wasisalamati.” De o bi nyawa yangodu manga sidongirabaka ngohi foloisi ai dorou ilamo.

Yohanes 9:31

Duma ngone kanena panakoka, ma ngale o nyawa ma dorou gena ngaroko ona isumbayang, duma manga gogolo o Gikimoi wosigisewa. Mutuwade ona nagoona la kanaga yodupa o Gikimoika isumbayang de Awi dupa yamomote, ona magena asa Una wasigise. So ngohi totemo Una gena Awi sihino gena o Gikimoino.

Yohanes 9:24

So awi baba de awi awa isango daboloka, de ona wopipilo iwiaso kali so una warisima onaka. So ona ma sinotoka una wisano kali itemo, “Ngona bilasu o Gikimoi Awi simaka nosingangasu itotiai, de upa naihu, sababu ngomi Una miwinakoka. Una ani lako wosilohaka, Una magena o nyawa ma dorou moi.”

Lukas 19:7

Ma orasi o nyawa yangodu yakelelo igogou o Yesus wotagi o Zakheus awi tahuka, de ona magena imaridemo yotemo, “Awadede! Una wotagi wikurumi o nyawa ma dorou moi awi tahuka.”

Lukas 7:34

De ma orasi Ngohi o Nyawa ma Duhutu tahinoka, de asa ka toodo de toudo. Ngini gena lo Ngohi niholuka, so nitemo, ‘Hika Una niwinano bai! Cedeke! Una witesere, witobadalu, de imatekedodiao de o balastengi itotolomu de lo o bi nyawa ma dorou o bi kawasa yahoholu.’

Lukas 7:36

Kanaga o Farisika ma nyawa moi, awi ronga o Simon, o Yesus wiaso la awi tahuka woodo. So o Yesus wotagi awi tahuka, de wogogeku la kagena ona yoodo.