Lukas 7:33 - O GIKIMOI AWI JAJI ma BUKU

³³ Komagena lo ma ngale o Yohanes Wooosi ngini niwidupawa de Ngohi lo nidupawa. Ma orasi o Yohanes wahino, de una mamoi-mamoi woodowa de ma moi lo waali widalu. Ngini gena una niwiholuka, so nitemo, ‘Una wikokitoka bai!’

Lukas 7:33 Referans Kwoze

Lukas 1:15

Sababu una done asa wodadi o nyawa wilalamo moi o Jou Awi simaka. Una womasimahawa o anggur eko o dalu woudo, de ka wisibuo kusi una gena o Gurumi Datetebi ma kuasa daasu-asu wiparetaka.

Rasul 2:13

Duma kanaga o nyawa ma binuka yagagaka itemo, “We! O nyawa ona magena yadaluka!”

Yohanes 10:20

Kanaga yadadala ma binuka lo itemo, “Ilaha! Nagala Una gena wikokitoka. He! Witogosaka, so lebelaha ngone gena posigise pomatogu.”

Yohanes 8:52

Kagena de o Yahudika ma nyawa magena itemo Unaka, “Ilaha! Nakoso komagena, de igogou Ngona magena nikokitoka. O Abraham una wosone de o Gikimoi Awi nabi-nabi yangodu lo isone. De idodooha so Ngona kanena nomisingangasu notemo, nakoso o nyawa nisigise Ngona de ona asa isonewa.

Yohanes 8:48

Duma ona asa wisango Unaka itemo, “Icala! Ngona nikokitoka moi, eko hiwa. Ngomi mitero nakoso minisironga Ngona ka o Samariano, o Yahudika ma duhutu nisowo. Ngomi mitero bai!”

Matius 10:25

Ka daloha nakoso idadi o muri moi womaaka maro awi guru, de lo nakoso woleleleani moi womaaka maro awi tuangi. So nimajaga igogou, sababu Ngohi gena to ngini nia Jou, de ngini gena to Ngohi Ai nyawa imomote. Nakoso Ngohi isiaso o Beelzebul, o Iblis la kanaga o bi toka dangodu wakokolano, de ma boboloili ngini Ngohi nimomote done asa o ronga inigaka foloi datorou.”

Matius 3:1

O orasi magena o Yesus kanagasi o Galilea ma tonaka wogoge so he o taungu muruo naga ipasaka, kagena de o Yohanes una o bi nyawa waoosi magena wahino de o Yudea ma tona ibobeleuka wogoge womatingaka.

Lukas 7:32

Ona magena imatero maro o ngopa-ngopa la kanaga o ngeko ma dateka imatami de manga dodiao yasigaro, de itemo, ‘Ngomi misuling ma ngale nginika, duma ngini niholu niselo. Ngomi minyanyi o sone ma guule nginika, duma ngini niholu niari.’

Lukas 7:34

De ma orasi Ngohi o Nyawa ma Duhutu tahinoka, de asa ka toodo de toudo. Ngini gena lo Ngohi niholuka, so nitemo, ‘Hika Una niwinano bai! Cedeke! Una witesere, witobadalu, de imatekedodiao de o balastengi itotolomu de lo o bi nyawa ma dorou o bi kawasa yahoholu.’