Lukas 7:21 - O GIKIMOI AWI JAJI ma BUKU

²¹ O orasi magena lo o Yesus o nyawa ipopanyake yadala wasilohaka, yakokitoka yadala manga toka wadusu la imahoi, de lo ipipilo yadala wasiloha so imasigeleloka.

Lukas 7:21 Referans Kwoze

Ibrani 12:6

Sababu o nyawa la kanaga Una wadododara de wadedehe maro Awi ngopa, ona yangodu wadoto de lo wasangisara gena foloi icarawa.”

Markus 5:34

Kagena de Una wotemo o ngopedeka muna magenaka, “He, Ai ngopa! Sababu ngona noipiricaya, so ngona nilohaka. Notagi de upa nohawateri, sababu to ngona ani dubuso de ani siri lo ihiwaka.”

Markus 5:29

De o orasi magena dabolo de o au mosidagi kawa. Kagena de muna momamalo ami siri magena dalohaka.

Matius 4:23

Dabolo de o Yesus o Galilea ma bi doku wakiloli so wahika manga puji ma bi tahuka wodoto de o habari daloloha wosihabari ma ngale o Gikimoi asa wopareta. De lo o nyawa yasisiri de yopopanyake gena yangodu wasiloha.

Matius 4:24

Mutuwade o habari ma ngale o Yesus gena o bi nyawa yogiise de yanako sidago o bi doku o Siria ma daera ma sigilolino, so o nyawa yadadala yahino Unano. O nyawa ona magena yangaho o nyawa yasisiri yadala moi-moi de manga panyake imaketerowa. O nyawa ona magena kanaga manga siri isangisara poli, yakokitoka, yamumusu de lo manga rohe isosone yangodu ona magena Una wasilohaka.

Lukas 7:20

La ona yasinoto igogou yotagi o Yesuska, de widedemo Unaka itemo, “Baba, o Yohanes womisuloka la minisano Ngonaka, idodooha Ngona gena igogou o Salamati ma Kolano ngomi miwidodamaha, kiaka o Gikimoi womijajajika, eko ngomi bilasu o nyawa ma somoa moili miwidamaha.”