Lukas 6:49 - O GIKIMOI AWI JAJI ma BUKU

⁴⁹ De o nyawa la kanaga Ai demo manena yoise duma yamotewa de yaakawa, ona magena imatero maro o nyawa moi la kanaga awi tahu wosigoko ka o tonaka de ma sosode o teto lo ihiwa. Ma orasi o selera ma ake dasosihilo asa o tahu magena yatusa, so imatodoka o tahu magena iruba de ibiau dangodu.”

Lukas 6:49 Referans Kwoze

Matius 23:3

Komagena so ngini bilasu manga dodoto moi-moi gena dangodu niamote. Duma ona manga gogoho gena upa ngini nimadoto, sababu manga dodoto nginika gena ona yamotewa.

1 Yohanes 2:19

O nyawa ma Kristus wihoholu gena, ngaroko idomaka dede ngone pomatekekomote, duma ona magena de ngone la o gogobu ka ka moi gena hiwa, sidago ona itagi so ngone inatinga de inadongosaka. Nakoso ona de ngone la igogou o gogobu ka ka moi, de ona bilasu igoge dede ngone. Duma ona gena ngone inadongosaka, la ma ngale o nyawa yangodu aku yanako ona magena o nyawa moi lo upa imasicapu dede ngone o gogobu moi.

Yohanes 15:2

De Una wototoro magena kanaga Ngohika, nakoso o anggur ma hutu de ma uma gena isopowa, Una done asa walora o uma magena. De nakoso kanaga ma umaka la igogou de ma sopo, ma uma magena done asa Una wodebi ma ngale ma sopo foloisi idala.

Lukas 12:47

Yoleleani la kanaga yanako manga tuangi awi dupa, duma imasidailakowa de lo o tuangi awi dupa gena yaakawa, igogou ona magena yangangapo dasiri.

Lukas 6:46

“Dadoohaso ngini Ngohi niaso ‘Jou! Jou!’ duma niaakawa o bi moi-moi o kia tinisusulo nginika.

Markus 4:17

Duma koloko ma ngutu iluku kuwa, so ona yopiricaya itekawa. So de o susa yamake de ma ngale o habari daloloha so yasisangisara, de gila-gila ona o Gikimoi wipalako so imakiliho de ikafirika.

2 Petrus 2:20

Komagena ngaroko ona idodomaka nanga Jou Yesus Kristus igogou iwinakoka so o dunia ma bi nyawa manga dorouno Una wapalakoka, duma ona magegena o dorou gena he yapiliku kali sidago lo o dorou magena ka yaparetasi. Komagena so ma ngale ona magena o dorou yapopiliku, kodo, ma duuruka gena kanaga foloisi datubuso onaka dede idodomaka, ma orasi ona nanga Jou Yesus Kristus iwipiricaya waasi.

1 Tesalonika 3:5

Ngone pomakitingaka de ngohi he tapoha kawa, so towisulo la o Timotius wakahika nginika ma ngale ai edekati gena bilasu tanako nakoso igogou ngini o Yesus niwipiricaya daputurusi. Sababu ngohi tohawateri upa sidago o Iblis ngini inibaja daboloka so o Yesuska niwipiricaya kawa, so to ngomi mia manara datotubuso gena ma faida de ma sopo lo ihiwa.

Rasul 26:11

De lo kanaga o bi puji ma tahuka o bi nyawa ipipiricaya ngohi tasisangisara. Taaka komagena ma ngale ona imadosu la o Yesus iwipiricaya kawa. De ngohi ifoloisi talawangi ona, sidago lo totagi tasangisara o bi nyawa o Yahudika yasowo manga dokuka.

Rasul 20:29

Ngohi tanako done ngohi totagi la ihiwaka, de o bi nyawa manga sininga datotorou de manga galusiri ihihiwa done asa yahino nia sidongirabaka gena, maro o bi duba o boulamo ifofufuruka so kagena yoduumo la idadi ma goli.

Lukas 19:27

De o orasi manena ai saturu kiaka ihoholu ngohi todadi to ona manga kolano, ona magena niangaho nonena. La ona yangodu niatooma ai simaka.’ ”

Lukas 19:14

Duma ma tuangi awi doku ma rabaka kanaga lo o nyawa iwiduhudu unaka. Ato womajoboka, ona iwidoduhudu magena manga nyawa yasulo la itagi ituuruno de isingangasu itemo, ‘Ngomi manena miwiholu o tuangi una magena wodadi mia kolano.’

Matius 24:10

O nyawa yadadala done asa manga piricaya Ngohika gena yodongosa. Ma binuka asa manga dodiao yasidoa manga saturuka, de yadadala asa imatekeduhudu moi de moika.

Lukas 6:48

O nyawa moi la kanaga o tona wapuawe walukuku so awi tahu ma sosode wosigoko o teto ma dokuka. La ma orasi imuura, de o nguuhi so o selera ma ake dasosihilo idola asa o tahu magena yatusa, duma maena irubawa, sababu isigoko o sosode dapoputuruka.

Lukas 7:1

Ma orasi o Yesus o bi nyawa yadadala wadoto daboloka, de Una wotagi so womasidiado o Kapernaum ma dokuka.