Lukas 6:46 - O GIKIMOI AWI JAJI ma BUKU

⁴⁶ “Dadoohaso ngini Ngohi niaso ‘Jou! Jou!’ duma niaakawa o bi moi-moi o kia tinisusulo nginika.

Lukas 6:46 Referans Kwoze

Galatia 6:7

Upa sidago ngini nitodamatoko so nia siningaka nitemo, “Ngohi ngaroko ai nyafusu datotorou masirete taaka, duma tanu o Gikimoi asa upa woifanggali de o dorou.” Nako komagena, ma orasi nisone de ngini o Gikimoi asa winitingaka. Sababu o Gikimoi gena kanaga ngone o nyawa moi lo akuwa powisihaga.

Matius 25:44

De ona magena lo asa yotemo, ‘Jou, kapuruo de ngomi minimake Ngona inisapi, eko Ani kiri dadudu, eko Ngona maro o nyawa yotatagino, eko Ani baju ihiwa, eko nopanyake eko lo nobuika, de ngomi lo Ngona miniriwowa.’

Matius 25:24

Dabolo de woleleleani la kanaga o cala moi wamake, una magena lo wahino de wotemo, ‘Tuangi, ngohi tanakoka ngona gena o nyawa moi nitobangamo. Komagena o sopo kiaka nadadatowa aku ka nautu, de lo o kia naga namomanarawa aku ka namake.

Matius 25:11

Daboloka, de yofufuma yamotoha ona magena lo imasidiado. Kagena ma duduka ona imatoore itemo, ‘Jou! Jou! Tanu ma ngora napelenga la ngomi lo miwosa.’

Yakobus 1:22

De magena upa lo ka niise, duma hika ngini o Gikimoi Awi demo magena niaaka. Upa sidago ngini ka niise, de magegena asa ngini masirete lo ka nikulai.