Lukas 6:45 - O GIKIMOI AWI JAJI ma BUKU

⁴⁵ Komagena lo o nyawa o duniaka. O bi nyawa ma loha gena igogou o demo daloloha yobicara, sababu manga sininga ma rabaka o bi moi-moi daloloha yadiahi. O bi nyawa ma dorou gena manga bicara lo datorou, sababu manga sininga ma rabaka o bi moi-moi datotorou yadiahi. Sababu o kia bato manga sininga ma rabaka, magena asa isupu so yosibicara.”

Lukas 6:45 Referans Kwoze

Efesus 4:29

Nakoso ngini nibicara gena, upa sidago o demo datotorou nia uruno isupu. Duma nako nibicara gena bilasu o demo itotiai, kiaka o loha niaaaka o nyawaka, la manga sininga aku nisiputuru.

Yohanes 7:38

De onaka done asa idadi maro o kia isilelefo o Gikimoi Awi Jaji ma Buku ma rabaka. Ena gena, o nyawa nagoona la kanaga Ngohi ipiricaya, ona magena kanaga manga sininga ma rabaka lo de o ake ma jobubu. So nogena o jobubuno asa o ake iuhi imatotoguwa de aku o oho ka sidutu ikakali yamake.”

Kolose 3:16

De nakoso igogou o Gikimoi Awi laha ma lamo gena niososininga, so ma ngale Una ninyanyi la niwigiliri, de ngini de nia mazmur de nia giliri lo nisinyanyi, de lo o nyanyi magena Awi Gurumino so tanu nimacocawaro la nimakodoto de nimatekesitiari. La tanu o dodoto ma ngale ma Kristus magegena ngini aku foloisi nianako igogou de daloha.

Kolose 4:6

Bilasu nia demo onaka gena salalu damuudu de daloha, so ona yangodu moi de moika aku nisidemo ngini gena daloha.

Ibrani 8:10

So manena o jaji kiaka done o orasi ma simaka de Ngohi asa taaka o Israel ma nyawaka: Ngohi Ai bobita gena asa to ona manga sininga ma rabaka tahado so ona aku yosihoda de igogou yanako. Ngohi asa todadi to ona manga Gikimoi masirete de ona asa yodadi to Ngohi Ai nyawa.

Efesus 5:19

de ma ngale o Jou gena ngini ninyanyi la niwigiliri, de lo ngini de nia mazmur de nia giliri lo nisinyanyi so nia sininga gena nimatekesiputuru.

Rasul 5:3

Kagena de o Petrus wotemo, “Ce, Ananias! Dadoohaso nomasimaha o Iblis ani sininga yapareta la o Gurumi Datetebi nowikulai so ani tona ma ija ma pipi ma sononga nadiahika.

Yudas 1:15

Una wahino la ma ngale o bi nyawa yangodu gena manga loha de manga dorou ma sopo wahiri. De lo ma ngale o bi nyawa la kanaga yodupa yaaka o bi moi-moi Una wodudupawa, ona manga dorou de manga demo lo iwisihoholu, ona magena asa wafanggali de o dorou.” Komagena o Henokh idomaka wodedemo o Gikimoi done asa wafanggali de o dorou o nyawa, nakoso yodupa yaaka o bi moi-moi Una wodudupawa.

Efesus 3:8

Nako ngohi de o Gikimoi Awi nyawa ma binuka, de igogou ona magena foloisi yolamo de ngohi. Ngaroko komagena, duma ngohi gena o Gikimoi Awi laha so asa woihike o manara la o habari daloloha tosihabari ngini o Yahudika ma nyawa nisowo. O habari ma ngale gena ma Kristus Awi laha foloisi ilalamo kekiaka paakuwa patuga.