Lukas 6:41 - O GIKIMOI AWI JAJI ma BUKU

⁴¹ Ce! To ngini nia dodiao manga sala daceke maro o gaapo manga lakoka de magena aku niakelelo, duma niakelelowa kanaga nia sala ilalamo maro o ifa moi yodebesu nia lako masireteka.

Lukas 6:41 Referans Kwoze

Yohanes 8:7

Ngaroko komagena, ona ka wisano-sanosi, so Una asa womatogu de womaokoye de wotemo onaka, “O nyawa nagoona to ngini nia sidongirabaka la nakoso kanaga moi wamalo awi dorou moi lo ihiwa, de una magena aku o orasi manena munaka o teto womisipapaka wodoma.”

Roma 2:1

Ngini ai dodiao o Yahudika ma nyawa, upa lo nia siningaka nitemo o nyawa ma dorou maro ona magegena bilasu yasisala de manga dorou ma fanggali yamake. Nako komagena, de ngini nitemoli bilasu ngini masirete lo nisisala de nia dorou lo o Gikimoi wafanggali de o dorou. Sababu maro to ona lo de manga sala komagena lo ngini, so akuwa niasitemo, “Ngohi ai dorou moi lo ihiwa.” Maro komagena upa bai!

Matius 7:1

“Upa o nyawa niasisala, la ma ngale ngini masirete lo o Gikimoi lo asa upa winisisala kali.

Lukas 6:40

Nako o muri ona gena, igogou idadiwa itemo, ‘Nako ngohi de ai guru, ngohi foloi tolamo.’ Ka daloha nakoso idadi o muri moi womaaka maro awi guru, hitilahi awi sakola wasiboloka.

Lukas 6:42

Idodooha so ngini nitemo nia dodiaoka, ‘Nahino la ngohi o gaapo ani lakono tosisupu,’ duma kanaga lo maro o ifa moi yodebesu to ngini nia lako masireteka. He! Ngini manena nikokulai! Ma nonomaka ngini bilasu o ifa moi yodebesu to ngini nia lako masireteka nisisupu kasi. Dabolo la nia lako asa datebika, de asa idadi so o gaapo nia dodiao manga lakoka gena aku niakelelo so nisisupu kali.”

Markus 8:7

Kagena lo to ona de manga nao ibiuudu ngai muruo naga. O Yesus wadehe o bi nao magena de Awi sukuru idola o Gikimoika, de wasulo Awi muri-murika so yasitoku kali o bi nao magena.