Lukas 6:40 - O GIKIMOI AWI JAJI ma BUKU

⁴⁰ Nako o muri ona gena, igogou idadiwa itemo, ‘Nako ngohi de ai guru, ngohi foloi tolamo.’ Ka daloha nakoso idadi o muri moi womaaka maro awi guru, hitilahi awi sakola wasiboloka.

Lukas 6:40 Referans Kwoze

Yohanes 13:16

O nyawa la idadi ileleleani, ona igogou yaakuwa itemo, ‘Nako ngohi de ai tuangi woipopareta, ngohi foloi ilamo,’ magena yaakuwa isibicara. De komagena lo nakoso o nyawa moi de kanaga wisulo awi dodiaoka wotemo, ‘Notagi ai demo naaho de nadedemo onaka,’ so una wotagi wadedemo gena, waakuwa womasihie wotemo, ‘Nakoso ngohi de kanaga woisusulo gena, ngohi masirete foloi tolamo.’

Yohanes 15:20

Niososininga to Ngohi Ai demo tinisingangasu idoma nginika gena, ‘O nyawa la ibileleleani, ona yaakuwa itemo ona dede una wapopareta gena, ona foloisi yolamo. Yaakuwa yotemo komagena.’ Komagena so, nakoso o nyawa o duniaka ona Ngohi isangisaraka, done ona asa ngini lo inisangisara. De lo nakoso ona la kanaga to Ngohi Ai dodoto yosigise, de komagena to ngini nia dodoto lo asa ona yosigise.

Matius 23:15

O bodito! Kodo! O bodito asa inidahe ngini o bi guru agama de lo o bi Farisi ma nyawaka. Ngini nikokulai! Ngini gena nitagi nikahika nikahino o teo niatola de lo o dududu niodagi, la ma ngale o nyawa moi niwimake la winimote nginika. De nakoso o nyawa kanaga so nimoteka, de ngini niadoto la ona gena asa nia gulai yamote de yaaka, sidago ona manga manara lo ifoloi datorou de nia manara masirete, so ona magena foloi itiai bilasu o naraka ma ukuku yaumo dede ngini masirete bai!

Lukas 6:41

Ce! To ngini nia dodiao manga sala daceke maro o gaapo manga lakoka de magena aku niakelelo, duma niakelelowa kanaga nia sala ilalamo maro o ifa moi yodebesu nia lako masireteka.