Lukas 6:29 - O GIKIMOI AWI JAJI ma BUKU

²⁹ Nakoso o nyawa la nia ngingiti ma sonongaka yangapo, de hika nia ngingiti ma sonongali niahike la yangapo kali. De nakoso ngini la o nyawa nia baju yadehe, de foloi daloha nia kameja lo niahikeka.

Lukas 6:29 Referans Kwoze

Ibrani 10:34

O nyawa ma ngale o Yesus wipiricayaka so yabubui, ona magena lo ngini niasayangi de niariwo. De lo ma orasi nia arata o nyawa yakoora, de ngini ka ninali, sababu nianako ngini de nia arata kadaku o sorogaka ifoloi daloloha de ka sidutu ikakali.

2 Korintus 11:20

Ena gena, ngini lo de nia sabari o nyawaka nakoso ona inikuasa la niaka maro o gilalo, de inibaja eko inisihaga, de imasihie ona foloi idoku de ngini eko lo iningangapo bai!

1 Korintus 6:7

To ngini nia galaki magena maro o nonako moi la igogou ngini gena, nia gogoho gena, imaterowa de o bi nyawa o Jou Yesus wimomote. Nakoso o nyawa la kanaga nginika o sala moi inigaka eko lo inisirugi gena, dadoohawa. Lebelaha ngini gena niadohaka la inisirugika, duma upa sidago nia dodiao ipipiricaya gena niakalaki o hakim manga simaka.

Yohanes 18:22

Magena de o jojaga moi Awi dateka gena Una Awi bioko wosidopoka de wotemo, “Ce! Nobarani sidago lo nosango komagena ma Imam Wilalamoka.”

Matius 26:67

Gila-gila ona yamuruo naga Una wihobi de wingapo. De kanagali Una iwipopoka,

1 Korintus 4:11

Sidago o orasi manenaka de ngomi misangisara gena, mia ino, de mia udo, de mia baju lo ikurangi. De komagena lo o nyawa imingangapo de lo ngomi maro ka o nyawa itatagi so o rihomoi-rihomoika mimatuluru.

Lukas 22:64

de to Una Awi lako yapokuka, de yotemo, “Hika, nakoso Ngona o nabi moi, nomisingangasu naguuna woningapo!”

Rasul 23:2

Ma orasi una wobicara komagena, de ma Imam Wilalamo o Ananias wosulo o nyawa moi o Paulus awi dateka so awi uruko wosidopoka.

Lukas 6:30

De lo nakoso kanaga nia arata moi la o nyawa ma somoa yagolo, de hika niahike bato onaka. De upa lo niagolo la isigiliholi nia moi-moi, nakoso o bi nyawa yodupa so yadeheka nginino.