Lukas 6:19 - O GIKIMOI AWI JAJI ma BUKU

¹⁹ Yadadala yahika Unaka, la manga ngale hitilahi iwipada, sababu kanaga Awi roheno o kuasa isupu de isiloha to ona manga panyake dangodu manga roheka.

Lukas 6:19 Referans Kwoze

Matius 14:36

de lo igolo, “Baba, nako nomisimaha, hitilahi Ani juba ma ngoguka sutu miacoho!” La o nyawa nagoona yacocoho gena yangodu manga siri itoguka.

Markus 6:56

Komagena lo kiaka bato Una wotagi, o bi soaka eko o bi dokuka, ona o nyawa yasisiri o pasar ma dateka yahahadoku de igolo Unaka, “Baba, nako nomisimaha, hitilahi Ani juba ma ngoguka sutu miacoho!” La o nyawa nagoona yacocoho gena yangodu manga siri itoguka.

Markus 5:30

Komagena de o orasi magena dabolo Una wamalo Awi buturu isupu to Una Awi roheno. De womakiliho de wasano o nyawa yadadalaka, “Nagoona Ai juba yatigi.”

1 Petrus 2:9

Duma nakoso ngini magegena, kanaga o nyawa kiaka o Gikimoi wahihirika. De ngini magena la kanaga niwileleani kiaka Una wokolano, maro o imamka ona wisuba Unaka. De ngini lo maro o bangsa moi watingaka ma ngale Una masirete, de lo ngini gena nidadi ka to Una Awi nyawa masirete. O Gikimoi waaka komagena, la ma ngale Awi kuasa ma manara daloloha de foloisi ilalamo gena aku nisihabari o bi nyawa yangoduka. Una magegena ngini winiasoka la niwipiricaya Una, maro o bubutuno winisisupu de winituluruka la to Una Awi nita ma siwa icarawa kagena ma rabaka aku niwosa.

Markus 8:22

O Yesus de Awi muri-muri imasidiado o Betsaidaka, de o nyawa moi wopipilo iwingaho o Yesuska. De o Yesus iwibaja la tanu o nyawa wopipilo una magena iwipada la womasigelelo.

Rasul 19:12

Ena gena, o Gikimoi wiriwo sidago o tuwala moi eko o manara ma baju moi la o Paulus wapapakeka magena ona yaaho o bi nyawa yasisirika, so manga siri lo itoguka de manga toka lo isupuka.

Lukas 5:17

O wange moiku o Yesus wodoto, de kanaga o Farisika ma nyawa de lo o guru agama ona magena yamuruo naga kagena yogogeku. Ona magena yahino o Galilea ma tona ma sigilolino, de komagena lo o Yudea ma daerano de lo o Yerusalemno. O Jou Gikimoi Awi kuasa kanaga Unaka la o bi nyawa manga panyake aku wasiloha.

Lukas 6:18

Manga edekati gena yodupa yoise Una Awi dodoto de lo wigolo la manga panyake wosiloha. O nyawa ikokitokaka lo yahino Unaka, de manga toka gena wadusu so imahoika.