Lukas 5:38 - O GIKIMOI AWI JAJI ma BUKU

³⁸ So o anggur damomuane gena bilasu poguse ma ngihi lo damomuaneku.

Lukas 5:38 Referans Kwoze

2 Korintus 5:17

Ena gena, nakoso o nyawa la kanaga de ma Kristus imarimoika, de igogou ona magena asa imadadi o nyawa yamomuaneka. Ma orasi ona ipiricaya waasi de manga oho idodoma gena ipasa de isisaka, de igogou manga oho damomuane gena yamake daboloka.

Gogelelo 21:5

Magena de Una o pareta ma kursika womatatami gena asa wotemo, “He! Ngohi asa taaka so o bi moi-moi dangodu damuaneka. Hika o demo moi-moi magena nalefo idoma, sababu o demo-demo dangodu magena igogou so aku popiricaya.

1 Timotius 4:8

Sababu o demo ma duuruka manena, gena igogou so bilasu o nyawa inangodu padehe daloha, ena gena, “O nyawa la cawali manga rohe isiputuru gena ma faida ka ma cunu, duma o nyawa la yaaka daloha maro o Gikimoi wodudupa gena, ma faida foloisi ilamo. Magena ma faida ilamo, sababu o orasi manena o Gikimoi asa Awi laha wosidumu onaka de o orasi ma simaka ona asa yamake o oho ka sidutu ikakali.”

Galatia 2:4

De komagena lo ma orasi mimatolomu o riho moika, kagena o nyawa yamuruo naga gena yodupa yagegego la o Yahudika ma nyawa yasowo bilasu imasuna kasi ma ngale manga sininga itiai o Gikimoika. O bi nyawa ona magena, ma Kristus wipipiricayaka gena, yasihaga so iwosa to ngomi mia dolomu ma dongirabaka de imasipongoka, ona magena imisidadase la mia edekati aku yanako ma ngale imikalaki. Sababu ngomi gena o Yesus Kristus miwipiricayaka, so o Yahudika manga bobita o Gikimoino upa he mipareta, so magena he miamote kawa ma ngale mia sininga itotiai o Gikimoika. Ona manga edekati gena ma ngale bilasu ngomi o Yahudika manga bobita o Gikimoino magena miamote kali, maro o sapi moi ipopalakoka bilasu yapiliku kali.

Matius 9:17

Komagenali o nyawa moi lo asa pamakewa o anggur damomuane de yoguse ma ngihi idodomaku, upa sidago o anggur damomuane done asa iwaka so ma ngihi idodoma magena yapolote. Ma dodoguku ma anggur de ma ngihi sinoto lo sona podahewa. So o anggur damomuane gena bilasu poguse ma ngihi lo damomuaneku, la dangodu idadi ka daloha.”

Lukas 5:37

Komagenali o nyawa moi lo asa pamakewa, o anggur damomuane de yoguse ma ngihi idodomaku, upa sidago o anggur damomuane done asa iwaka so ma ngihi idodoma magena yapolote. Ma dodoguku ma anggur de ma ngihi sinoto lo sona podahewa.

Lukas 5:39

O nyawa moi lo asa pamakewa, nakoso o anggur idodoma yaudo kasi de yodupa o anggur damomuane yaudo. Komagenawa, sababu itemo, ‘O anggur idodoma gena ifoloi damonge.’ ”