Lukas 5:29 - O GIKIMOI AWI JAJI ma BUKU

²⁹ Ma orasi magena ipasaka, o Lewi o rarame waaka awi tahuka, de o Yesus womatamiye woodo. De o balastengi itotolomu yadala de o bi nyawa yadala manga sininga datotorou o bi kawasa yahoholu, ona magena lo imatamiye yoodo de o Yesus.

Lukas 5:29 Referans Kwoze

Lukas 15:1

O wange moiku de o balastengi itotolomu yadala de o bi nyawa yadala manga sininga datotorou o bi kawasa yahoholu, ona magena lo yahino la o Yesus Awi dodoto gena yoise.

1 Korintus 10:27

Nakoso kanaga ngini inikoro niodo o nyawa yopipiricayawa manga tahuka, de ngini nimode niodo dede ona, de o kia bato ona isiaaka nginika magena hika niaodo. Upa he ngini nidoma nisano de niahiri nagala o serika isisubaka, eko hiwa.

Yohanes 12:2

De kagena o Betaniaka ma nyawa ma ngale Una o rarame moi yaakaka, so Una wikoro de kanaga lo o Lazarus de o nyawa ikokoro ma binuka lo ona imatamika, de ongo Marta ona maleleani.

Markus 2:15

Ma orasi magena ipasaka, o Yesus de Awi muri-muri o Lewi awi tahuka imatamiye yoodo. De o balastengi itotolomu yadala de o bi nyawa yadala manga sininga datotorou o bi kawasa yahoholu, ona magena lo imatamiye yoodo de o Yesus.

Matius 9:10

Ma orasi magena ipasaka, o Yesus de Awi muri-muri o Matius awi tahuka imatamiye yoodo. De o balastengi itotolomu yadala de o bi nyawa yadala manga sininga datotorou, o bi kawasa yahoholu, ona magena lo imatamiye yoodo de o Yesus.

Matius 5:46

Nakoso niadodara la ka cawali o nyawa nidododara nginika, de nia manara magena nakoso o Gikimoi wafanggali gena ma loha lo ihiwa. Ngini lo nianako masirete o bi nyawa manga sininga foloisi datotorou lo ona gena o balastengi itotolomu aku yaaka komagena.

Matius 9:9

So ma orasi o Yesus kagena de wokahika de wikelelo una o balastengi wototolomu awi ronga o Matius (iwisiaso lo o Lewi) o kantorka wogogeku. Kagena de o Yesus wotemo unaka, “Nahino noimote Ngohi.” Gila-gila o Matius womaoko de wotagi o Yesus iwimoteka.

Matius 11:19

De ma orasi Ngohi o Nyawa ma Duhutu tahinoka, de asa ka toodo de toudo. Ona magena lo Ngohi iholu, so itemo, ‘Hika Una niwinano bai! Cedeke! Una witesere, witobadalu, de imatekedodiao de o balastengi itotolomu de lo o bi nyawa ma dorou o bi kawasa yahoholu.’ Ngaroko komagena, duma nakoso nianano o Gikimoi Awi nyawa wimomote manga manara, de ngini asa nianako Awi ngale gena itiai de wocawaro.”