Lukas 4:37 - O GIKIMOI AWI JAJI ma BUKU

³⁷ Magena de o habari ma ngale Una yogiise sidago o bi doku magena ma sigilolika.

Lukas 4:37 Referans Kwoze

Lukas 4:14

Dabolo de o Yesus de o Gurumi Datetebi magena ma kuasa wipareta so woliho wahika o Galilea ma tonaka. O Galilea ma sigilolino o habari ma ngale Una gena o bi nyawa yogiise de yanako.

Markus 6:14

Ma orasi magena ma Kolano Herodes Antipas woise ma ngale o Yesus de Awi nonako ihahairani, sababu kagena o nyawa yadadala yaaka idadi manga uru ma beto. Sidago yaado o doku de o soaka so o bi nyawa itemo, “O Yesus gena o Yohanes Wooosi de Una asa wooho kali! Ma sababu magegena Una wamake o buturu la waaka o nonako ihahairani.”

Markus 1:28

O orasi magena dabolo o habari ma ngale Una datai yogiise kiaka bato sidago o doku o Galilea ma sigilolika.

Matius 9:26

La o habari magegena iise de yanako sidago yaado kagena o soa de o doku ma sigilolika.

Markus 1:45

Duma una wotagi o nyawa yadadalaka wosihabari so o nyawa yadadala yogiise. So o Yesus o bi dokuka wowosa waakuwa. Ngaroko Una asa ka wahika ma soaka, duma o nyawa o kiano bato yadala icarawa asa yakahika Unaka.

Matius 9:31

Duma ona ka yotagi ma ngale isihabari kagena o soa de o doku ma sigilolika.