Lukas 3:38 - O GIKIMOI AWI JAJI ma BUKU

³⁸ de o Kenan ma baba gena o Enos, o Enos ma baba gena o Set, de o Set ma baba gena o Adam, de o Adam gena o Gikimoi Awi ngopa.

Lukas 3:38 Referans Kwoze

Dodadi 2:7

So o orasi magena de o Jou Gikimoi o tona ma gaapo wadehe la o nyawa moi wosiaka. De o Jou Awi woma magena wosiwuwu o nyawa magena awi ngunu ma busuneka, so o nyawa magena woohoka.

1 Korintus 15:47

O nyawa ma nonoma gena o tonano wosidadi la ioho o dunia manenaka. Duma ma Kristus, Una maro o Adam ma sinotoka, Una magena Awi sihino ka o sorogano.

1 Korintus 15:45

Kanaga isilelefo o Gikimoi Awi Jaji ma Buku ma rabaka itemo, “O nyawa ma nonoma, gena o Adam, o Gikimoi Awi woma gena wosiwuwu o nyawa magenaka so una woohoka.” Duma ma Kristus, Una magena wisironga lo o Adam ma dodogu, ka Una magena done wonahihike o oho ka sidutu ikakali.

Dodadi 4:25

Ma orasi o Habel witooma de wosoneka, de o Adam de ma pedeka imasikiidu kali. So muna morohe de mowisibuo o ngopa yanau moili. So motemo, “Sababu o Habel o Kain witoomaka, so o Gikimoi o ngopa yanau moi ka woihike kali.” So mowisironga o Set, ma ngale o Gikimoi Awi laha wosidumu.

Dodadi 4:26

So de o Set wilamoka, de ma pedeka mosibuo o ngopa moi de wisironga o Enos. De o orasi magegena dabolo de ma noma-noma o nyawa yangodu wisiaso o Gikimoi o Jou.

Lukas 3:37

de o Lamekh ma baba gena o Metusalah, de o Metusalah ma baba gena o Henokh, o Henokh ma baba gena o Yared, de o Yared ma baba gena o Mahalaleel, o Mahalaleel ma baba gena o Kenan,

Lukas 4:1

Daboloku, o Yesus o Yordan ma Seleraka so he womajobo de o Gurumi Datetebi ma kuasa daasu-asu wipareta so wingaho o tona ibobeleuka.