Lukas 24:52 - O GIKIMOI AWI JAJI ma BUKU

⁵² Kagena de ona yobukuku yosuba Unaka, dabolo de manga sininga gena foloi danali ona yoliho o Yerusalemka.

Lukas 24:52 Referans Kwoze

Matius 28:9

Imatodokano, Una kagena naga imakamake de ona, de wotemo, “Tabea!” De ona imasidate Unaka, de Awi dohu yakololo de iwisuba Una.

Yohanes 16:22

Komagena lo ngini. O orasi manena asa nipeleso, duma Ngohi asa dede ngini pomakamake kali so asa ninali kali. De nia nali magena o nyawa moi lo yaakuwa yakoora, so nia nali gena isisawa nia sininga ma rabaka.

1 Petrus 1:8

De ngaroko o Yesus Kristus gena idomaka niwikelelo waasi, duma ngini asa niwidodaraka. De lo ngaroko o orasi manena niwimake waasi, duma ngini niwipiricayaka sidago lo to ngini nia nali gena igogou foloisi ilamo, so ma ngale nia nali ma lamo gena o demo moi lo nisimakewa nisingangasu de nia uru masirete.

Yohanes 20:28

So o Tomas wotemo, “We! Ngona gena igogou ai Jou de lo ai Gikimoi tonisusuba.”

Yohanes 14:28

Mutuwade upa niawosa o kia naga kangano manena ngini tinisingongangasuka, Ngohi gena ma cunusi de ngini tinidongosa de asa tahino kali nginika. Nakoso ngini igogou Ngohi nidodaraka, gena ngini bilasu ninali Ngohi totagi toliho Ai Babaka, sababu igogou nakoso Ngohi de Ai Baba gena, Una foloisi wolamo.

Matius 28:17

Kagena asa idadi ona gena Una iwikelelo de ona iwisuba Unaka. Duma manga sidongirabaka yamuruo naga manga siningaka isitatapu waasi.

Yohanes 16:7

Ngaroko komagena, duma ma ngale ngini manena tagogou, foloisi daloha nakoso Ngohi tinidongosaka. Sababu o Baba Awi Dagali moili gena o Gurumi Datetebi done wahino, hitilahi Ngohi tinidongosa kasi. So nakoso Ngohi igogou tinidongosaka, ma ngale aku o Baba Awi Dagali moili magena tasulo la wahino nginika.

Lukas 24:51

Ato Awi laha wosidumuka asa Una witide de imakitinga so wakahika o sorogaye.

Lukas 24:53

De o wange isigeto-geto ona asa o Gikimoi Awi Tahuka igogeku de iwisigiliri Unaka.

Rasul 1:12

Kagena o Zaitun ma Talaka, dabolo de o bi rasul ona magena iliho o Yerusalemka, so o talaka de o kotaka ma gaku nagala o kilo moika.