Lukas 24:36 - O GIKIMOI AWI JAJI ma BUKU

³⁶ Ona ka imatekebobicarasi, de imatodokano o Yesus masirete lo asa womaoko to ona manga sidongirabaka, de wotemo, “Ai salam nginika! Tanu nia sininga ma rabaka igogou isosanangi.”

Lukas 24:36 Referans Kwoze

2 Tesalonika 3:16

Ngomi migolo tanu o Jou Yesuska, o sanangi wonahihike, Una masirete asa winiriwo ngini, so ngini lo o orasi isigeto-geto asa nia sininga foloi isanangi. De lo migolo tanu o Jou kanaga wogogesi dede ngini ningoduka.

Lukas 10:5

Nako ngini o tahu moika niwosa, de gila-gila nitemo, ‘Tanu o Jou Awi laha kanaga ngini o tahu manena ma rabaka.’

Markus 16:14

Ma dodoguka, o Yesus womasimane kali Awi muri yamogiowo de moika, ma orasi magena imatamiye yoodo. Una wasidapano ona magena, sababu manga piricaya ka ma cunu de manga sahe datogoi so ona yapiricayawa, kiaka o nyawa isingangasu o Yesus ona wikelelo masirete Una wooho kali.

Gogelelo 1:4

Ngini o gogobu tumudingi o Asia ma daeraka. Ngohi Yohanes. Tanu o laha ifoloi nidogo nginika so nia sininga ma rabaka foloi isanangi, ma ngale magegena so ngohi togolo o Gikimoika, de o gurumi ngai tumudingi, de lo o Yesus Kristus. Sababu o Gikimoi kanaga o orasi manena de Una lo kanaga o orasi idodomaka de sidago lo o orasi ma simaka done wouti kali, de o gurumi ngai tumudingi magena o Gikimoi Awi pareta ma kursi ma simaka ileleani,

1 Korintus 15:5

Dabolo de Una womasimane o Petruska, de lo Awi nyawa wimomote yamogiowo de sinoto yangoduka.

Yohanes 20:26

O Nahadi moi ipasaka, de Awi muri-muri kanaga o tahu magena ma rabaka imatolomu kali de o Tomas lo kagena. Ngaroko ma ngora-ngora yakucika, duma imatodokano de o Yesus asa wahino wowosa so manga dongirabaka womaokoye, de wotemo, “Ai salam nginika! Tanu nia sininga ma rabaka igogou isosanangi.”

Yohanes 16:33

O bi moi-moi dangodu magegena Ngohi tinisingangasu nginika, la to ngini nia sininga ma rabaka asa nisanangi. Sababu o dunia manenaka ngini kanaga de nia sangisara de lo nia susa. Duma tanu ngini nimaputuru, sababu o bi kia bato o duniaka o Gikimoi wihoholu gena dangodu Ngohi tasitura daboloka.”

Yohanes 14:27

Kanaga o sanangi gena ma sihino ka cawali Ngohino, de magena asa tinihike nginika, ena gena asa taaka to ngini nia sininga ma rabaka la aku isanangi. Ai manara taaaka magena imaterowa maro o bi nyawa o duniaka yaaaka. Upa sidago ngini nia sininga isusa de nimodo.

Matius 10:13

De nakoso o tahu ma nyawa gena inidehe daloha, de igogou o Jou Gikimoi asa Awi laha wasidumu onaka. Duma nakoso ona ngini iniholu, de dohaka, done asa o Jou Awi laha gena ona he yamakewa.

Rasul 1:3

De wosone daboloka, ma deka o wange moruha Una masoa-masoa womasimane de womasibicara onaka, igogou o Gikimoi wapareta maro o kolano moi, so de ma sababu magena asa womasinako igogou Una wooho kali.

1 Korintus 15:7

Ipasaka, de Una lo womasimane o Yakobuska, de kagena o bi rasul yangoduka.