Lukas 24:27 - O GIKIMOI AWI JAJI ma BUKU

²⁷ Kagena de o Yesus wadoto onaka o bi moi-moi o kia isilelefo o Gikimoi Awi Jaji ma Buku ma rabaka ma ngale Awi oho ma singangasu, ma solano o Musa awi lefoka de sidago o bi nabi manga lefo dangodu.

Lukas 24:27 Referans Kwoze

Lukas 24:44

Dabolo de Una wotemo onaka, “Manena o kia naga tinisingangasu nginika, ma orasi idomaka de Ngohi kanaga dede nginisi. O bi moi-moi ma ngale Ngohi, kiaka o Jou Awi bobita o Musa de lo o bi nabi ma somoa isilelefo ma Buku ma rabaka de lo o Mazmur ma Bukuka gena, dangodu bilasu isiganapu.”

Rasul 10:43

De ma ngale Una magena o bi nabi yangodu lo isingangasuka, la o bi nyawa nagoona Una wipipiricayaka gena, igogou sababu dede Una magena done asa o Gikimoi manga dorou wosiapongu.”

Yohanes 5:39

Ngini gena o Gikimoi Awi Jaji ma Buku magena nimadoto nikaeli, sababu nitemo Awi demo ma rabano asa o oho ka sidutu ikakali niamake. Ngaroko, Awi demo magegena igogou ma ngale Ngohi manena so asa inisingangasu nginika,

Yohanes 1:45

De o Filipus asa to ona manga dodiao moi o Natanael wimake de wotemo unaka, “He! Ngomi gena miwimakeka Una magena o Salamati ma Kolano, kiaka o Musa de lo o bi nabi-nabi idodomaka gena o Gikimoi Awi Buku ma rabaka isilefoka. Una magena miwikeleloka bai! Una magena o Nazaret ma nyawa moi o Yusuf awi ngopa.”

Dodadi 22:18

Sababu ngona noisigise Ngohika, so ma ngale ngona, de ani ngopa, de lo ani danoku so o bi bangsa dangodu o duniaka done asa Ai laha yamake.’ ”

Lukas 24:25

Dabolo de Una wotemo onaka, “Ngini igogou nifuma! Ngini nia sininga isidailako datemehe so niopiricayawa kiaka o bi nabi isingangasu idomaka.

Dodadi 3:15

Komagena Ngohi tinisikadanggutu ngona de o ngopedeka muna manena, ngona de muna nia ngopa de lo nia danoku. So to ngona ani ngopa de ani dano asa manga sahe yapiropu de to muna ami ngopa de ami dano asa manga tutuweneka yatudu.”

Dodadi 49:10

Ngona ani ngopa de ani dano done o nyawa yapareta, ipareta imatoguwa sidago o nyawa moi ngo wahino. Una magena wihiri de wisulo wahino wopareta so o bi doku yangodu lo wisigise ka ka una bai.

Rasul 7:37

O Musa una magena lo wotemo o Israel ma nyawaka, ‘Done o Gikimoi asa wihiri to ngini nia sidongirabano de winihike nginika o nabi moi, imatero de ngohi.’

Rasul 3:24

Sababu ma nabi Samuel de o bi nabi ma duuruno, ona yangodu idomaka o Gikimoi Awi demo isingangasu ma ngale o moi-moi o kia idadadi o orasi manena.

Rasul 3:22

Ena gena, o Musa wotemo komanena, ‘Done nia Jou Gikimoi asa witide to ngini nia nyawano de Una iwisulo la wahino nginika o nabi moi, koloko Una woisulo ngohi. So bilasu Awi demo dangodu nisigise, maro o kia ma nabi wotetemo nginika, la nimatoba de nimatoduba.

Gogelelo 19:10

So kagena de ngohi asa to una awi simaka tobukuku la ai suba tatide unaka. Duma una wosibicara wotemo ngohika, “Upa! Ngohi gena ka to ngini nia dodiao moi o Gikimoi Awi sosulo, imatero maro ngona de lo ani dodiao ona o habari ma ngale o Yesus Kristus yosihohabari. So tanu ka o Gikimoi Una magenaka asa ngona nosuba. Sababu o bi nabi ona yangodu lo, bai o orasi manena bai o orasi ipapasaka, ma ngale o Yesus Awi dodoto itotiai gena yosingangasu daboloka.”

Dodadi 12:3

Nako o nyawa yaaka o loha ngonaka done Ngohi lo Ai laha onaka tasidumu. Nako o nyawa o dorou yaaka ngonaka done Ngohi lo onaka takutuku. Ma ngale ngona so igogou o nyawa o bi doku dangodu yamake Ai laha.”

Markus 4:34

Ka cawali o ade-ade maro komanena o Yesus wadoto o nyawa ona magenaka, duma o ade-ade ma ngale magena to Una Awi muri-murika wasingangasu wasitotiaika.

Yohanes 5:37

De lo Ai Baba Una Ngohi woisuloka so tahino, Una masirete lo o bi moi-moi ma ngale Ngohi gena wosingangasu daboloka. Duma ma ngale Ngohi woisusuloka la tahino gena ngini manena nipiricayawa, so ngini lo ma moi waasi Ai Baba Awi ili niise de Awi jamani lo niakelelowa, eko Awi demo ma ngale lo nia sininga ma rabaku gena iwosawa.

Yohanes 12:41

O Yesaya wotemo komagena, sababu ma orasi idodoma gena una awi gogelelo ma rabaka wakelelo done o Yesus asa wisimulia, de magena wosingangasu.

Rasul 3:18

Duma komagena o Gikimoi wosiganapu maro o kia wasulo idomaka to Una Awi nabi-nabi, la inasingangasu ngoneka, ena gena bilasu o Salamati ma Kolano gena wamake o sangisara.

Rasul 8:35

Kagena de o Filipus wobicara ma nonomaka o buku ma nabi Yesaya ma demo magegena de wosihabari unaka o habari daloloha ma ngale o Yesus.