Lukas 23:34 - O GIKIMOI AWI JAJI ma BUKU

³⁴ De Una wosumbayang wotemo, “Baba, tanu ona nasiapongu! O kia ona yaaaka gena ona yanakowa.” O bi prajurit o Yesus wisidodasangahadika, ona magena Awi baju imatekesikotoku yaaka moi-moi de manga gimina yamote o undi ma rabaka.

Lukas 23:34 Referans Kwoze

Matius 5:44

Duma orasi manena Ngohi totemo nginika, o nyawa nidodoosa ona magena lo niadodara, de lo o nyawa la nisangisara gena niasisumbayang.

Rasul 7:60

De lo wobukuku de womatoore awi ili walamo-lamo, “Jou, upa lo o dorou manena nasimoku onaka!” Wotemo komagena, dabolo de wosoneka.

1 Petrus 3:9

Nakoso o nyawa kanaga o dorou inigaka nginika, de upa sidago ona gena niagaka eko niafanggali de o dorou, duma ngini bilasu nigolo tanu o Gikimoi asa Awi laha wasidumu onaka. Sababu Una magena ngini winihirika la niaaka komagena, la ma ngale ngini gena to Una Awi laha wosijajajika asa niamake.

Roma 12:14

De o nyawa la kanaga nisangisara ma ngale ona magena bilasu o Gikimoika nigolo la Awi laha wasidumu. Igogou, upa Awi kutuku, duma cawali Awi laha gena niagolo.

1 Korintus 2:8

Awi ngale gena o dunia ma bobareta lo yanakowa. Nako yanako, de o Jou Una wisimuliaka gena idomaka ona magena upa he wisidasangahadika bai!

Dodadi 50:17

bilasu minigolo ngonaka la ngaroko mia sala de mia dorou idala ngonaka, duma upa nomisisala ngomika. Ngomi manena lo o Gikimoika miwisuba, so mia sala ngonaka gena tanu upa nomisisala kali.” O Yusuf gena woise ma ngale manga modo unaka, de asa ka woari.

1 Timotius 1:13

Ngaroko, idodoma ngohi manena o Jou Yesus Awi ronga ma dorou togaka, de Awi nyawa wipipiricaya tasisangisara, de Una masirete lo towisicekeka. Sababu o orasi magena ngohi towipiricaya waasi so tanakowa o kia ngohi taaaka magena o Gikimoi towilawangi, so ma Kristus ngohi woigalusiri.

Rasul 3:17

Ai gianongoru! Nako ngini gena, ngohi tanako itiaika to ngini nia roriri de ngini masirete nia manara datotorou o Yesuska, ma ngale gena ngini niwinakowa, ena gena Una magena o Salamati ma Kolano.

1 Korintus 4:12

Ngomi lo de mia gia masirete miamanara, la ma ngale mia oho ma kurangi aku miamake. De ngaroko o nyawa ngomi imisibicara datorou, duma ngomi gena ka migolo o Gikimoi asa Awi laha wasidumu onaka. De ngaroko lo o nyawa ngomi imisisangisara, duma ngomi gena ka miamoku.

Matius 11:25

O orasi magena de o Yesus wosumbayang wotemo, “Baba, o Jou o dipa de lo o dunia nakokuasa! Ngohi Ai sukuru tatide Ngonaka, sababu o bi moi-moi magena o bi nyawa icocawaro lo kanaga itemo yanakoka, ona magena Ngona nagiihu. Duma o bi moi-moi magena o bi nyawa kiaka yananakowa Ngona gena nasikelelo.

Yohanes 19:11

So o Yesus wosango wotemo, “Nako Ngohi ngona gena igogou de ani kuasa, duma o kuasa magena ka cawali o Gikimoi asa aku wonihihike ngonaka. Mutuwade nako ngona de una ma Imam Wilalamo Ngohi woisidodoa ngonaka la ma ngale Ngohi isidasangahadi, una gena de awi dorou ifoloi ilamo.”

Markus 15:24

So kagena de gila-gila ona wisidasangahadi de Awi baju imatekesikotoku yaaka moi-moi de manga gimina yamote o undi ma rabaka.

Matius 11:26

Igogou, Ani manara komagena Ngona masirete nodudupa.

Lukas 22:42

de wotemo, “Ya Baba, nako yaaku, tanu natide la noisitilaku o sangisara ma ngeko manena. Duma upa namote to Ngohi Ai sininga ma dupa manena, la tanu idadi de imaaka ka to Ngona Ani sininga ma dupa.” [

Yohanes 17:9

Ma ngale o nyawa Ngona noihihike Ngohika, ona magegena Ngohi tosumbayang. De ma ngale o bi nyawa yangodu o duniaka gena hiwa, duma Ngohi asa tosumbayang ma ngale ona magegena Ngona noihihike Ngohika. Sababu o moi-moi dangodu kanaga Ngohika magena to Ngona masirete, de lo o moi-moi dangodu kanaga Ngonaka magena lo to Ngohi masirete, komagena so ona magena lo igogou to Ngona Ani nyawa masirete. De ona magegena lo manga gogoho de manga manara gena aku isikelelo to Ngohi Ai mulia.

Rasul 16:28

Duma o Paulus womatoore womaili-ilika, “Upa nomatola! Ngomi mingodu kanena nagasi!”