Lukas 23:25 - O GIKIMOI AWI JAJI ma BUKU

²⁵ De lo o Barabas ona wigogolo gena wisisupu de wihike onaka, una magena o bui ma rabaka sababu idomaka wocanga o Roma ma bobaretaka de lo wototooma moi. De o Yesus ka wisidoa o bi prajuritka la iwisidasangahadi, yamote to Yahudi ma nyawa manga dupa.

Lukas 23:25 Referans Kwoze

Rasul 3:14

Duma Una o Gikimoi Awi leleani wokokaeli de Awi sininga itotiai, ngaroko Una magena ngini niwiholu de o Pilatus niwigegego, la wipalako o nyawa wototooma moi de una iwisidoa nginika,

Markus 15:15

So kagena de una o nyawa yadadala manga sininga wosimote so o Barabas wisisupu de wihike onaka. De una wasulo awi prajurit-prajuritka ma ngale o Yesus wingangapo, dabolo de gila-gila Una wisidoa onaka la iwisidasangahadi.

Yohanes 18:40

Duma ona magena imatoore itemo, “Hiwa! Upa Una, duma o Barabas nowipalako de nomihike ngomika.” O Barabas una gena ma orasi idodomaka de itagi icacanga de lo ikudoti o Romaka yalawangi de una magena ikokoora wamote so wokoora.

Lukas 23:5

Duma ona ifoloi wigegegoli yotemo, “De Awi dodoto Una o kawasa wasigaro o Yahudika ma nyawa manga tona ma sigilolika. Ma nonomaka Una kanaga o Galileaka, duma o orasi manena Una wahino kanena.”

Lukas 23:2

Kagena imasidiadoka, de ona iwikalaki Unaka yotemo, “O nyawa Una manena ngomi miwimake o kawasa wasigaro la o ngeko dasosowo yamote. Wotemo upa o balastengi pofangu ma Kolano Wilalamo ma Kaisarka, de lo wotemo Una masirete gena ma Kristus, ena gena o kolano moi.”

Matius 27:26

So kagena de una o nyawa yadadala manga sininga wosimote so o Barabas wisisupu de wihike onaka. De una wasulo awi prajurit-prajuritka ma ngale o Yesus wingangapo, dabolo de gila-gila Una wisidoa onaka la iwisidasangahadi.

Lukas 23:24

So manga sininga magena una wosimote o Yesus iwisidasangahadi.

Lukas 23:26

Kagena de o Yesus gena o bi prajurit iwingoso so itagi iwingahoka, so yahika o ngeko ma soaka, de o Kirene ma nyawa moi, awi ronga o Simon wimake. O nyawa una magena asa o soano wokahino de wokahika o kotaka, de wigegego o Yesus Awi sangahadi wamoku de o Yesus Awi duduno wototuuru.

Yohanes 19:16

So imaaka komagena, so ma dodoguka de una, ma gubernur o Pilatus gena, o Yesus ka wisidoa la bilasu awi prajurit iwisidasangahadi. So o Yesus gena o bi prajurit iwingoso so itagi iwingahoka.