Lukas 23:20 - O GIKIMOI AWI JAJI ma BUKU

²⁰ So o Pilatus wodupa o Yesus wipalako so wasano kali yadadala ona magenaka.

Lukas 23:20 Referans Kwoze

Markus 15:15

So kagena de una o nyawa yadadala manga sininga wosimote so o Barabas wisisupu de wihike onaka. De una wasulo awi prajurit-prajuritka ma ngale o Yesus wingangapo, dabolo de gila-gila Una wisidoa onaka la iwisidasangahadi.

Yohanes 19:12

O Yesus Awi demo komagena, so ma gubernur magena asa awi siningaka wotemo, “Bilasu Una towipalako.” So wosupu kali, duma o Yahudika manga roriri magena ka iwidotoore isidadu-dadu itemo, “Igogou! Nakoso o nyawa manena nowipalako, ngona gena nisowo ma Kolano Wilalamo ma Kaisar awi dodiao. Sababu ngona nanakoka, nakoso o nyawa moi kanaga wotemo una gena o kolano moi, de awi demo magena igogou una ma Kaisar iwilawangi.”

Matius 27:19

So o Pilatus ka wogoge kusi kagena o hakim ma kursika, de ma pedeka ami sosulo imasidiado la mowidedemo unaka, “O nyawa Una Awi sala ihiwa, so upa nowisangisara bai! Sababu ma ngale Una magena so ka putuka o gogiolo ma rabaka de togoruga de ngohi ai sininga foloi isangisara.”

Lukas 23:19

O Barabas una magena o bui ma rabaka wisingosaka, sababu idomaka o kotaka o nyawa icanga o Roma ma bobaretaka de ma orasi magena una kanaga manga sidongirabaka de lo una wototooma moi.

Lukas 23:21

Duma ona imatoore itemo, “Powisidasangahadi! Powisidasangahadi!”