Lukas 22:43 - O GIKIMOI AWI JAJI ma BUKU

⁴³ Kagena de o malaikat moi o sorogano wahino Unaka de iwisiputuru.

Lukas 22:43 Referans Kwoze

Matius 4:11

Gila-gila o Iblis magena iloda so o Yesus widongosaku, de imatodoka o bi malaikat yahino so asa Una iwileleanika.

Ibrani 1:14

So nako o bi malaikat ona magena, yangodu o Gikimoi Awi leleani kiaka wasusulo la ona itagi ma ngale o nyawa nagoona done Una wasisalamati gena, ona yaleleani.

Matius 26:53

Dadodooha so ngini nianako waasi, nakoso Ngohi togolo Ai Babaka, de igogou Una magena asa jai-jai bato wasulo o malaikat kanaga yadala icarawa la yahino Ngohi iriwo.

Ibrani 1:6

De ma ngale o Gikimoi ma Ngopa womatetengo gena kanaga foloisi wolamo so ma orasi wisulo Una gena wouti o duniaku, de o Gikimoi lo wotemo komanena, “To Ngohi Ai malaikat ona yangodu bilasu Ai Ngopa magena iwisuba.”

1 Timotius 3:16

O dodoto magena o Gikimoi wonasikeleloka, de o dodoto magena lo inasidumu idodooha nanga moi-moi paaka daloha la Una wodupa. So o dodoto magena igogou foloisi ilamo. O dodoto foloisi ilamo, gena ma ngale o Yesus Kristus, Una masirete womasimane maro o nyawa moi, de o Gurumi Datetebi wosigogou Una Awi sininga itiai. De o bi malaikat lo Una wikelelo. De o habari ma ngale Una isihabari o dunia ma batika so o nyawa o dunia ma dokuka lo iwipiricayaka. De asa o Gikimoi Una magena witide o sorogaye de Awi muliaka.

Lukas 22:32

Duma Ngohi manena tosumbayang ma ngale ngona, la ani piricaya asa upa isisa. So done ani piricaya gena daputuru kali, de ngona bilasu ani dodiao manga sininga gena nosiputuru.”

Matius 4:6

de itemo Unaka, “Igogou! Ngona o Gikimoi ma Ngopa. Hika kagena de kudahu nomatura, sababu o Gikimoi Awi Jaji ma Bukuka isilefoka, ‘Ma ngale Ngona gena Una asa Awi malaikat wapareta, la ona magena asa inigubare, ma ngale Ani dohu lo o tetoku upa yadahe.’ ”

Ibrani 2:17

So Una bilasu womadadi maro ona magena, la imatero dede to Una Awi tahu ma raba moi, la Una lo asa aku wodadi o Imam Wilalamo la kanaga de Awi galusiri de lo o Gikimoi Awi manara gena waaka wokaeli. Sidago Una masirete iwitooma ma ngale o nyawa manga dorou dangodu gena watupu.

Rasul 18:23

De o wange muruo naga kagena wogoge dabolo, de o Paulus womajobo kali wotagi wotulu-tulu o Galatia ma daera de o Frigia ma daera ma sigilolika, de kagena o bi nyawa ipipiricaya manga piricaya wosiputuru.

Rasul 14:22

O bi doku magegenaka de ona o bi nyawa ipipiricaya yasiduduga la manga piricaya isitatapu o Yesuska, so itemo, “Bilasu ngone inasisangisara idala kasi, de asa powosa o Gikimoi Awi pareta ma rabaka.” Komagena ona manga piricaya isiputuru o bi doku magegenaka.