Lukas 22:42 - O GIKIMOI AWI JAJI ma BUKU

⁴² de wotemo, “Ya Baba, nako yaaku, tanu natide la noisitilaku o sangisara ma ngeko manena. Duma upa namote to Ngohi Ai sininga ma dupa manena, la tanu idadi de imaaka ka to Ngona Ani sininga ma dupa.” [

Lukas 22:42 Referans Kwoze

Matius 26:39

La Una womatinga sutu ikuruka, de o tonaku wobukuku de wosumbayang, de wotemo, “Ya Baba, dangodu aku naaka de idadi, so tanu natide la noisitilaku o sangisara ma ngeko manena. Duma upa namote to Ngohi Ai sininga ma dupa manena, la tanu idadi de imaaka ka to Ngona Ani sininga ma dupa.”

Matius 26:42

Ma moili Una wotagi wosumbayang de wotemo, “Baba, nakoso o sangisara ma ngeko manena yaakuwa Ngohi isitilaku, maha de Ngona la Ani sininga ma dupa idadi.”

Markus 14:36

De wotemo, “Ya Baba, dangodu aku naaka de idadi, so tanu natide la noisitilaku o sangisara ma ngeko manena. Duma upa namote to Ngohi Ai sininga ma dupa manena, la tanu idadi de imaaka ka to Ngona Ani sininga ma dupa.”

Yohanes 18:11

So kagena de o Yesus wosulo o Petruska wotemo, “Ce! Ani sumarangi magena nadiahi kasi. O sone ma ngeko bilasu upa Ngohi tatilaku. Upa sidago Ai Baba o manara woihihike gena Ngohi taaka toholu.”

Matius 20:22

Kagena de Una wotemo onaka, “Igogou! Ngini nianakowa o kia naga nigolo. Sababu nako nimode komagena, bilasu nimode lo niaudo o sangisara de o sone ma udo-udo maro Ngohi tauudo gena. So tinisano nginika, ka niaaku?” De ona yosango itemo, “Ngomi ka miaaku.”

Yohanes 5:30

Kanaga to Ngohi Ai sininga ma rabaka moiwa tacoho de taaka. Duma nakoso o nyawa manga loha de manga dorou tahiri, magena tamote ka imatero de o kia naga Ai Baba wododedemo Ngohika. Mutuwade Ngohi gena tatailako itiai, sababu upa to Ngohi Ai dupa tamote, duma tamote ka Ai Baba masirete Awi dupa, Una woisulo so Ngohi tahino.”

Yohanes 6:38

Sababu Ngohi o sorogano tahino gena upa lo totemo ma sababu todupa to Ngohi Ai dupa masirete taaka, duma Ngohi tahino la ma ngale o Gikimoi Awi dupa taaka sababu Una magegena woisulo so Ngohi tahino.

Yohanes 4:34

So Una asa wasingangasu onaka wotemo, “O kia naga to Ngohi Ai ino gena, nakoso towisigise Una woisusuloka so tahino kanena, de lo nakoso Awi manara magena taaka dabolo.

Matius 26:44

Ma moili Una wotagi ma para ma saangeka wosumbayang, de Awi demo imatero de ma sinotoka.

Matius 6:10

De Ngona nokolano o duniaka, so o nyawa o duniaka yangodu Ani dupa gena yaaka, imatero maro de o sorogaka.

Matius 11:25

O orasi magena de o Yesus wosumbayang wotemo, “Baba, o Jou o dipa de lo o dunia nakokuasa! Ngohi Ai sukuru tatide Ngonaka, sababu o bi moi-moi magena o bi nyawa icocawaro lo kanaga itemo yanakoka, ona magena Ngona nagiihu. Duma o bi moi-moi magena o bi nyawa kiaka yananakowa Ngona gena nasikelelo.

Matius 11:26

Igogou, Ani manara komagena Ngona masirete nodudupa.

Lukas 23:34

De Una wosumbayang wotemo, “Baba, tanu ona nasiapongu! O kia ona yaaaka gena ona yanakowa.” O bi prajurit o Yesus wisidodasangahadika, ona magena Awi baju imatekesikotoku yaaka moi-moi de manga gimina yamote o undi ma rabaka.

Rasul 21:14

Sababu o Paulus woholu womimote ngomi, so ngomi ka mitemo, “Hika powidohaka, la o Jou Yesus Awi dupa ma ngale unaka asa idadi de imaaka.”