Lukas 22:38 - O GIKIMOI AWI JAJI ma BUKU

³⁸ De ona itemo, “Jou, nonano kanena naga ngomika o sumarangi ngai sinoto.” Una wotemo, “Dalohaka!”

Lukas 22:38 Referans Kwoze

Lukas 22:49

Ma orasi Awi muri-muri ona magena yakelelo o kia naga asa idadi, de ona itemo, “Jou, to ngomi kanaga de mia sumarangi!”

Yohanes 18:36

De magena o Yesus wotemo unaka, “Ngohi manena upa nisitetero maro o kolano ipopareta o dunia manenaka. Nakoso igogou komagena, de to Ngohi Ai nyawa imomote asa ikudoti la upa sidago ngomi o Yahudika mia roriri asa Ngohi itago. Duma upa sidago noitahe Ngohi tokolano o dunia manenaka.”

1 Petrus 5:9

Duma una magena bilasu niwiholu de ka o Gikimoi niwipiricaya de niwisigise daputuru, sababu ngini nianako maro komagena ngini nia dodiao ipipiricaya ona yangodu lo yasangisara o dunia manena ma rabaka.

1 Tesalonika 5:8

Ma ngale komagena so nakoso ngone maro o nyawa la o wange ma nita ma rabaka pogoge, de ngone bilasu paaka maro o nyawa manga sininga de manga rohe ma nyafusu gena yapareta daloha. Komagena so ngone bilasu pomajaga la ma Kristus powipiricaya daputuru de lo o nyawaka nanga dodara ilamo, ma ngale upa sidago o dorouku asa potura. Maro o nyawa yanau moi asa de awi salawaku wacohono la womasijaga, ma ngale una witudu eko wingami de upa awi mamatako yabolo. De bilasu ngone pongongano igogou o Gikimoi asa wonasisalamati so o oho ka sidutu ikakali pamake. Komagena maro o nyawa moi asa o helm womasitibaku la womasijaga, ma ngale upa he awi sahe danabo.

Matius 26:51

Ato iwitago, de kagena o nyawa moi lo kanaga dede o Yesus awi sumarangi walia de wisioto ma Imam Wilalamo awi gilalo moika, so awi ngau lo waturaka.

Lukas 22:36

Kagena de Una wotemo, “Ngaroko komagena, o orasi manena la nagoona kanaga de nia pipi, eko lo o baro de o maru bilasu nimagaho. De lo nagoona la kanaga nia sumarangi ihiwa, hika nia baju nisiija la o sumarangi moi nimaija.