Lukas 22:36 - O GIKIMOI AWI JAJI ma BUKU

³⁶ Kagena de Una wotemo, “Ngaroko komagena, o orasi manena la nagoona kanaga de nia pipi, eko lo o baro de o maru bilasu nimagaho. De lo nagoona la kanaga nia sumarangi ihiwa, hika nia baju nisiija la o sumarangi moi nimaija.

Lukas 22:36 Referans Kwoze

1 Tesalonika 3:4

Sababu ma orasi ngomi kagenasi nginika de o nyawa inasisangisara waasi, so ngomi minisingangasu idoma nginika gena done asa igogou imaaka ngoneka. So ngini nianako daboloka de komagena igogou so asa ngone lo inasisangisara daboloka.

Yohanes 16:33

O bi moi-moi dangodu magegena Ngohi tinisingangasu nginika, la to ngini nia sininga ma rabaka asa nisanangi. Sababu o dunia manenaka ngini kanaga de nia sangisara de lo nia susa. Duma tanu ngini nimaputuru, sababu o bi kia bato o duniaka o Gikimoi wihoholu gena dangodu Ngohi tasitura daboloka.”

1 Petrus 4:1

Ma Kristus gena wisangisara komagena, so ngini lo bilasu nimaputuru la nimote Unaka. So maro to Una Awi sininga ma rabaka, komagena lo to ngini nia sininga ma rabaka, ena gena nimasidailako la asa o sangisara niamoku. Sababu o nyawa la kanaga yasangisara, ona magena yapalakoka o dorou ma kuasano so o dorou gena yaaka kawa.

Yohanes 15:20

Niososininga to Ngohi Ai demo tinisingangasu idoma nginika gena, ‘O nyawa la ibileleleani, ona yaakuwa itemo ona dede una wapopareta gena, ona foloisi yolamo. Yaakuwa yotemo komagena.’ Komagena so, nakoso o nyawa o duniaka ona Ngohi isangisaraka, done ona asa ngini lo inisangisara. De lo nakoso ona la kanaga to Ngohi Ai dodoto yosigise, de komagena to ngini nia dodoto lo asa ona yosigise.

Matius 10:10

Upali nimagaho o karong, eko upa lo o baju, eko o tarupa, eko o didiki sidago ngai sinoto gena yaakuwa. Sababu o nyawa imomanara gena bilasu manga oho ma kurangi yafangu.

Lukas 22:35

Dabolo de o Yesus watemo onaka, “Kangano ma orasi Ngohi tinisulo ngini la nitagi o habari daloloha nisihabari, de Ngohi asa tinisimahawa ngini nimagaho o pipi, eko lo o baro, eko o tarupa o sabi sinoto. Idodooha ngini kanaga niakurangi.” Ona yosango, “Hiwa!”

Lukas 22:37

Sababu kanaga isilelefo o Gikimoi Awi Jaji ma Buku ma rabaka itemo, ‘Asa o Salamati ma Kolano wieto maro o nyawa ma dorou moi.’ De o kia naga isilelefo gena bilasu idadi Ngohika, sababu o kia naga ma ngale Ngohi manena isingangasu idomaka isilelefo o Gikimoi Awi Jaji ma Buku ma rabaka, magena o orasi manena he idadi.”

Lukas 22:38

De ona itemo, “Jou, nonano kanena naga ngomika o sumarangi ngai sinoto.” Una wotemo, “Dalohaka!”