Lukas 22:31 - O GIKIMOI AWI JAJI ma BUKU

³¹ Dabolo de o Jou Yesus wobicara o Simon Petruska wotemo, “Simon, Ngohi tonisingangasu, o Iblis wogolo de o Gikimoi iwisimaha unaka la ngini ningodu winibaja, maro wotototoro moi o tamo watado de o tamo ma soora gena asa waumo.

Lukas 22:31 Referans Kwoze

1 Petrus 5:8

De lo ngini bilasu nia sininga de nia rohe ma nyafusu gena niapareta daloha de lo nimajaga so nimasidailako daboloka. Sababu nia lawangi o Iblis gena o ngeko womasisari ma ngale ngini nipipiricaya winisitura, maro o singa moi yakahika yakahino ka imuru-muru yasari ma ino la aku yaodo.

Gogelelo 12:10

O duniaku wiumoka, de ngohi toise o sorogaka o ili ilalamo moi itemo, “Manena ma orasi yaado nanga Gikimoi Awi nyawa masirete wadodara de wasisalamati. Awi kuasa he foloisi ilamo kagena asa Una wisitatapuka ma ngale o dunia ma bi doku dangoduka wokolano. Awi Salamati ma Kolano lo Una wikuasa wosidumuka. Sababu wokokalaki o wange de o putu o Gikimoi Awi simaka wakalaki nanga dodiao ipipiricaya so una magena o sorogano wiumoka.

Rasul 9:4

De una awi jaraka de wotura o tonaku de o ili moi woise itemo unaka, “Saulus, Saulus! Dadoohaso Ngohi noisangisara.”

Lukas 10:41

O Jou Yesus wotemo, “We, Marta! Ngona gena ma ngale o moi-moi idala nosihawateri de ani sininga iruwahe.

Matius 4:10

Magena de o Yesus wotemo, “Hiwa, Iblis! Ngosoku ma deda noloda. Sababu kanaga o Bukuka isilefoka, ‘Bilasu nowisuba nanga Jou Gikimoika de cawali Una nowileleani.’ ”

Matius 26:30

Dabolo de ona yangodu yonyanyi wigiliri o Gikimoika. So dabolo de ona isupu de itagi o Zaitun ma Talaka.

1 Korintus 5:5

una magena niwisisupu de niwisidoa kasi o Iblis awi kuasa ma rabaka. Hika niaaka komagena, la ma ngale una awi rohe asa isangisara la tongongano una womatoba de womatoduba, so done ma orasi o Jou Yesus Awi wange imasidiado de awi jiwa gena aku isalamati.

2 Korintus 2:11

Upa sidago o Iblis gena o orasi moi bato de ngone wonasitura, sababu to una awi sihaga magena ngone lo panako daboloka.