Lukas 22:26 - O GIKIMOI AWI JAJI ma BUKU

²⁶ Duma ngini upa komagena. Kanaga o ngeko moili, nagoona yodupa yolamo to ngini nia sidongirabaka ona magena bilasu imahadoku. De nagoona yopopareta ona magena bilasu ileleleani nginika.

Lukas 22:26 Referans Kwoze

1 Petrus 5:5

Komagena lo ngini nigohiduurusi tinisisitiari, ngini bilasu niasigise nia roriri ona magenaka. De ngini o bi gogobu ningodu bilasu nimatekeleleani de nia sininga damuudu moi de moika. Sababu o Gikimoi Awi Jaji ma Buku ma rabaka isilefoka itemo, “O Gikimoi asa o nyawa imacacaralamo de imasihie ona magena walawangi, duma ona manga sininga damomuudu, ona magenaka asa wodupa Awi laha wosidumu de wariwo.”

1 Petrus 5:3

Upa ma ngale ona inisitoku nginika la nimaaka maro to ona manga tuangi wilalamo moi wokokuasa onaka, duma manga sidongirabaka o moi-moi niaaka gena ma ngale niasikelelo la ona lo bilasu yamote maro o kia ngini niaaka.

Lukas 9:48

de wotemo onaka, “O nyawa nagoona la o ngopa manenaka iwidehe daloha sababu ona imote Ngohi, magena imatero de ona lo Ngohi idehe daloha. So o nyawa nagoona la Ngohi idehe daloha, ona manga manara magena lo ma meta Ai Babaka, sababu Ngohi Una woisulo so tahino. Nagoona so yasiceke to ngini nia sidongirabaka, ona magena foloi yolamo.”

Markus 9:35

So de Una womatamiye de watolomu so wisigilolino, de wotemo onaka, “O nyawa naguuna wodupa wolamo de o nyawa ma somoa, una magena bilasu womahadoku de wodupa wariwo o nyawa yangoduka.”

Roma 12:2

De lo tanu ona o dunia ma bi nyawa Una wihoholu gena manga manara moi-moi yaaaka ngini gena upa niadodomote. Bilasu Una niwisimaha la waaka so nia sininga aku damomuane sidago lo nia gogoho de nia sininga ingalika. La ma ngale ngini aku nianako itiai o kia naga Una wodudupa, ena gena nianako o kia naga daloloha de itotiai la Awi sininga isanangi.

Matius 20:26

Duma ngini upa komagena. So bilasu komanena: nagoona yodupa yolamo to ngini nia sidongirabano, ona magena bilasu yodadi lo yoleleani nginika.

Markus 10:43

Duma ngini upa komagena. So bilasu komanena: nagoona yodupa yolamo to ngini nia sidongirabano, ona magena bilasu yodadi lo yoleleani nginika.