Lukas 22:20 - O GIKIMOI AWI JAJI ma BUKU

²⁰ De komagena lo yoodo dabolo, de Una magena kanaga o anggur ma udo-udo wadehe de wotemo, “O udo-udo manena ma ngale to Ngohi Ai au ikokopola gena ma meta nginika, inisinako igogou o Gikimoi Awi jaji damomuane.))

Lukas 22:20 Referans Kwoze

1 Korintus 11:25

De komagena lo yoodo dabolo, de Una magena kanaga o anggur ma udo-udo wadehe de wotemo, “O udo-udo manena ma ngale to Ngohi Ai au gena inisinako igogou o Gikimoi Awi jaji damomuane. Magena niaaka maro o sosininga moi Ngohika.”

Matius 26:28

Manena to Ngohi Ai au, inisinako igogou o Gikimoi Awi jaji la Ai au ikokopola manena ma meta o nyawa yadadalaka ma ngale o dorou ma apongu.

Ibrani 13:20

Ngone nanga Jou Yesus Una magena Awi au ikopola gena, isiputuruka o Gikimoi Awi jaji kiaka ikokakali ngoneka. Una gena o Gikimoi asa o sone ma rabano wisioho kali de Una wodadi o Sowohi Wilalamo, de ngone gena Awi duba-duba wajojajaga. Komagena so ngohi togolo o Gikimoika, Una o sanangi ma gola, tanu Una masirete

Ibrani 12:24

De ngini lo niwirisima o Yesuska, Una magena wodadi maro o Gikimoi Awi dagali moi o jaji damomuane gena waaturu. O Yesus wosone de Awi au ikopolaka, de Awi au gena foloisi daloha de o Habel awi au idodomaka, sababu o Habel awi au gena isinako bilasu yafanggali, duma o Yesus Awi au magena isinako igogou nanga dorou aku yaaponguka.

Ibrani 9:17

Sababu nakoso o nyawa la kanaga o pusaka ma surati waaka la woohosi, de idadi waasi o pusaka ma surati akuwa itagali la iregu. Duma ma orasi wosoneka, de asa ka idadi o pusaka ma surati magena itagali la isikeregu.

2 Korintus 3:6

Una magegena ngomi womisiputuru la midadi maro to Una Awi sosulo so mitagi misihabari Awi jaji damomuane o nyawaka. Awi jaji damomuane gena dasowo de o bi bobita isilelefoka, duma Awi Gurumi ma manara o nyawaka. Sababu nako o bobita isilelefo gena, itemo o nyawa ma dorou bilasu de o Gikimoi imakitinga, duma o Gikimoi Awi Gurumi magena wahike o oho ka sidutu ikakali.

Ibrani 9:15

Komagena so ma Kristus gena asa wodadi maro o Gikimoi Awi dagali moi o jaji damomuane waaturu, la ma ngale o nyawa o Gikimoi waaasoka, ona magena aku yamake o moi-moi wojojajajika magena dangodu, kiaka Awi warisi ikokakali wosidailako onaka. Sababu ma Kristus asa wosoneka ma ngale ona manga dorou, kiaka o jaji idodomaka yatilakuka, so magenano aku wapalako.

Markus 14:24

Yaudo dabolo de Una wotemo, “Manena to Ngohi Ai au, inisinako igogou o Gikimoi Awi jaji la Ai au ikokopola manena ma meta o nyawa yadadalaka ma ngale o dorou ma apongu.