Lukas 22:17 - O GIKIMOI AWI JAJI ma BUKU

¹⁷ Kagena de Una o anggur ma udo-udo wadehe de Awi sukuru idola o Gikimoiye, de wotemo Awi muri-murika, “Manena niadehe de nisitoku,

Lukas 22:17 Referans Kwoze

Lukas 22:19

Dabolo de Una magena kanaga o roti wadehe so Awi sukuru watide o Gikimoiye. Dabolo de o roti magena watepi-tepi de to Una Awi gia, de gila-gila Awi muri-murika wasitoku de wotemo, “Manena to Ngohi Ai rohe ((ma ngale ngini gena tinihikeka. Magena niaaka maro o sosininga moi Ngohika.”

Roma 14:6

Sababu o nyawa la kanaga o wange yahihiri, ona magena yahiri la ma ngale o Jou iwihoromati. De o nyawa la kanagali o kia bato yaoodo, ona magena lo yaodo la ma ngale o Jou iwihoromati, sababu ma ngale manga ino gena ona yodupa manga sukuru Unaka yatide. De lo o nyawa la kanaga ka o gaahu yaoodo, ona magena lo yaaka la ma ngale Una iwihoromati, de ona lo ma ngale manga ino gena yodupa manga sukuru yatide Unaka. So o moi-moi yaaaka gena upa potemo isala.

Lukas 9:16

So kagena de Una o roti ngai motoha de o nao ngai sinoto wadehe de womamataga o dipaye de Awi sukuru watide o Gikimoiye. Dabolo de Una o roti magena watepi-tepi de Awi muri-murika wahike la ona yasitoku o nyawa yadadala ona magenaka.

Matius 14:19

Dabolo de o nyawa yadadala gena wasulo la igogeku o dumule ma dokuka. So ona yadadala o dumuleka imagogeku, kagena de Una o roti ngai motoha de o nao ngai sinoto magena wadehe de womamataga o dipaye, de Awi sukuru watide o Gikimoiye. Dabolo de Una o roti magena watepi-tepi de Awi muri-murika wahike la ona yasitoku o nyawa yadadala ona magenaka.

Matius 15:36

De o roti ngai tumudingi magena de lo o bi nao magena wadehe so Awi sukuru watide o Gikimoiye. Dabolo de watepi-tepi de to Una Awi gia, so wahike Awi muri-murika la ona isitoku o nyawa yadadala magenaka. So Awi muri-muri ona yaaka maro o kia Una wasulo.

Matius 26:26

De ma orasi ona imatamiye yoodo, o Yesus o roti wadehe so Awi sukuru watide o Gikimoiye. Dabolo de o roti magena watepi-tepi de to Una Awi gia, de gila-gila Awi muri-murika wasitoku de wotemo, “Niadehe de niaodo. Manena to Ngohi Ai rohe.”

Markus 14:22

De ma orasi ona imatamiye yoodo, o Yesus o roti wadehe so Awi sukuru watide o Gikimoiye. Dabolo de o roti magena watepi-tepi de to Una Awi gia, de gila-gila Awi muri-murika wasitoku de wotemo, “Niadehe. Manena to Ngohi Ai rohe.”

1 Korintus 10:16

Nakoso ngone o anggur poudo ma ngale ma Kristus Awi au ikokopolaka gena pososininga, ngone gena nanga sukuru patide o Gikimoiye. Magena o nonako moi ngone manena ma Kristus Awi nyawaka, la kanaga de Awi au gena nanga dorou watupuka. De ma orasi ngone o roti patepi-tepi ma ngale ma Kristus Awi rohe wahihikeka gena lo pososininga, magena o nonako moili ngone manena ma Kristus Awi nyawaka, la kanaga de Awi rohe wositagali ma ngale nanga dorou watupuka.

1 Korintus 11:23

Ma ngale o dodoto o Jou masirete woihike ngohika, so ngohi tinidota nginika. Gena o putu ma moi idomaka, kiaka asa o Jou Yesus iwisiija, de Una magena kanaga o roti wadehe,