Lukas 22:15 - O GIKIMOI AWI JAJI ma BUKU

¹⁵ De Una wotemo onaka, “O susa de o sangisara tamake waasi de Ngohi foloi todupa toodo o Paskah ma ino manena dede ngini.

Lukas 22:15 Referans Kwoze

Lukas 12:50

Kanagasi o susa de o sangisara kiaka bilasu Ngohi isimoku, de nakoso o sangisara magena idadi waasi, de Ngohi Ai sininga asa irihiwa so isusa.

Yohanes 13:1

O Paskah ma Wange ma Rarame gena he yaadoka, so ma langino de o rarame ma ino yaodo, de o Yesus gena wanakoka Awi orasi imasidiadoka, ma ngale Una o dunia manena bilasu wodongosa de woliho wokahie ma Babaye. Una Awi muri-muri masirete igogoge o duniaka, ona magena wadodaraka so kanaga Una Awi edekati wasikelelo Awi muri-murika to Una Awi dodara gena foloisi ilamo onaka.

Yohanes 4:34

So Una asa wasingangasu onaka wotemo, “O kia naga to Ngohi Ai ino gena, nakoso towisigise Una woisusuloka so tahino kanena, de lo nakoso Awi manara magena taaka dabolo.

Yohanes 17:1

Daboloka, de o Yesus womamataga o sorogaye de wosumbayang wotemo, “Baba, igogou ma orasi he yaadoka gena Ngohi bilasu isangisara sidago lo tosone. So togolo tanu Ani Ngopa Ngohi manena Ai kuasa ilalamo asa o nyawaka nasikelelo, la ma ngale Ngohi lo aku Ngona Ani kuasa ilalamo tasikelelo onaka.

Lukas 22:14

La daputuku o tahu magenaka o Yesus de Awi muri yamogiowo de sinoto yogogeku yoodo.

Lukas 22:16

Sababu Ngohi totemo, igogou Ngohi asa toodo kawa o Paskah ma ino manena sidago idadi la poodoli done o orasi ma simaka, nakoso o Gikimoi wopareta maro o kolano moi o duniaka.”