Lukas 21:37 - O GIKIMOI AWI JAJI ma BUKU

³⁷ O orasi magena o wangeka gena o Yesus wodoto o Gikimoi Awi Tahuka, de daputuku Una womasihoika o kota magenano, de wotagi womasidodogu o Zaitun ma Talaka.

Lukas 21:37 Referans Kwoze

Lukas 22:39

So dabolo de o Yesus o dokuka womahoika, de maro Awi biasa moi so wotagi kali o Zaitun ma Talaka, de lo Awi muri-muri wimote.

Markus 11:19

So ma orasi he daputu Una de Awi muri-muri imasihoika o kota magenano.

Matius 26:55

De o Yesus wotemo yadadalaka, “Dadoohaso ngini niaka maro Ngohi o nyawa ma dorou, sidago niahino o gogipongo de o sumarangi nigaho la Ngohi nitago. O wange isigeto-geto Ngohi todoto o Gikimoi Awi Tahuka, de dadoohaso Ngohi nitagowa.

Matius 21:17

Kagena de Una gena ona wadongosa de o kota magenano womasihoika, de wotagi womasidodogu o Betaniaka.

Matius 21:1

Ma orasi o Yesus de Awi muri-muri o Yerusalem yadumuka so ona imasidiado o doku Betfage o Tala Zaitunka, kagena de o muri yasinoto wasulo itagi idoma.

Rasul 1:12

Kagena o Zaitun ma Talaka, dabolo de o bi rasul ona magena iliho o Yerusalemka, so o talaka de o kotaka ma gaku nagala o kilo moika.

Yohanes 12:1

O Yesus wotagi kali o Betania ma dokuka, gena o Lazarus awi doku kiaka idomaka una o Yesus wisiohoka. De kagena womasidiadoka gena o Paskah ma Wange ma Rarame he idumuka, so asa o wange butangasi de yaado.

Lukas 19:37

Ma orasi Una he dangade womasidiado o Yerusalemka, o Tala Zaitun ma ngunuku wokahuku, o bi nyawa yadadala Una wimote-mote gena yangodu asa o Gikimoi iwisigiliri. Ona de manga nali imasagaga ma ngale o bi nonako ihahairani dangodu gena yakeleloka.

Markus 11:12

Ma goginitano ma orasi o Yesus de Awi muri-muri o Betania ma dokuno isupu so yahika ma soaka, de Una wamalo wisapi.

Matius 26:30

Dabolo de ona yangodu yonyanyi wigiliri o Gikimoika. So dabolo de ona isupu de itagi o Zaitun ma Talaka.

Markus 14:49

O wange isigeto-geto Ngohi todoto o Gikimoi Awi Tahuka de to ngini nia simaka, de dadoohaso Ngohi nitagowa. Duma igogou bilasu komagena, sidago idadi de imaaka maro o kia isilelefo o Gikimoi Awi Jaji ma Buku ma rabaka.”

Lukas 19:29

Ma orasi ona yadumuka o doku Betfage de o doku Betania o Tala Zaitunka, kagena de o muri yasinoto wasulo itagi idoma.

Lukas 19:47

Kagena o wange isigeto-geto o Gikimoi Awi Tahuka Una wodoto. O imamka ma bi sahe, de o bi guru agama, de lo o Yahudika manga roriri magena o ngeko isisari la o Yesus witago de witooma,

Yohanes 18:2

O doro magegenaka masoa-masoa Una de Awi muri-muri gena imatolomu, so o riho magegenaka o Yudas, una magena o Yesus done asa wisiiija, gena wanakoka.