Lukas 21:36 - O GIKIMOI AWI JAJI ma BUKU

³⁶ So bilasu ngini salalu nimajaga de nia dailakoka, de lo niwigolo o Gikimoika la ngini asa niamoku niputuru o sangisara dangodu kiaka asa idadadi gena, sidago aku Ngohi o Nyawa ma Duhutuka nirisima.”

Lukas 21:36 Referans Kwoze

1 Yohanes 2:28

Komagena so, ai ngopa-ngopa tinisosininga, ngohi tongongano to ngini nia rimoi dede ma Kristus foloi daputuru. Nakoso paaka komagena, done ma orasi Una wahino kali o duniaka, de ngone asa powimake de nanga baranika de nanga made lo ihiwa.

1 Petrus 5:8

De lo ngini bilasu nia sininga de nia rohe ma nyafusu gena niapareta daloha de lo nimajaga so nimasidailako daboloka. Sababu nia lawangi o Iblis gena o ngeko womasisari ma ngale ngini nipipiricaya winisitura, maro o singa moi yakahika yakahino ka imuru-muru yasari ma ino la aku yaodo.

Matius 25:13

So o Yesus o ade-ade magena wosijarita dabolo de wotemo, “Komagena so bilasu ngini nimajaga de nimasidailakoka, sababu ngini nisidodoguwa muruoka de Ngohi asa tahino.”

Matius 24:42

Komagena so Ngohi totemo bilasu ngini nimajaga de nia dailakoka, sababu ngini nisidodoguwa muruoka de nia Jou asa wahino.”

1 Petrus 4:7

O dunia ma dodogu gena he yaadoka. Komagena so hika to ngini nia nyafusu niapareta daloha de lo nia siningaka niatuga itiai la foloi nia sumbayang lo aku niatide.

1 Korintus 16:13

Nimasidodiahi! Hika nia piricaya gena nisiputuru bai! Ngini bilasu nimaputuru de o kia bato upa nimodo.

Lukas 18:1

Dabolo de o Yesus o ade-ade moi wadoto Awi muri-murika, la ona magena bilasu yosumbayang ikaeli de upa manga sininga daceke.

Markus 13:33

So ngini bilasu nimajaga de nimasidailakoka, sababu ngini nisidodoguwa muruoka de Ngohi asa tahino.

Yudas 1:24

O Gikimoi Una gena de Awi kuasa aku ngini winijaga winisidodiahi la upa sidago nitura de niwipiricaya kawa. La ma orasi ngini winingoso kagena to Una Awi simaka, de Awi nita ma rabaka gena o nyawa moi lo yaakuwa ngini inikalaki so nia nali foloisi ilamo.

Matius 26:41

De Una wotemo onaka, “Nimajaga de nisumbayang la upa o babajaku nitura. Ngaroko nia siningaka igogou imode, duma nia rohe damomodoka.”

1 Tesalonika 5:17

de lo nia sumbayang niatide o Gikimoika,

Markus 13:37

So o kia bato Ngohi asa tinidodedemo nginika, magena lo todedemo o nyawa yangoduka: La bilasu imajaga imasidodiahi!”

2 Timotius 4:5

Duma ngona gena, ngaroko o sangisara ma rabaka eko lo o loha ma rabaka, bilasu ani sininga de ani rohe ma nyafusu gena napareta daloha. Bilasu ngona o sangisara namoku, de o habari ma ngale Yesus Kristus gena notagi nosihabari. So ani manara ma rabaka o kia o Gikimoi wonisitatapuka dangodu magena bilasu namanara.

Kolose 4:2

Ngini nia sumbayang o Gikimoika gena bilasu upa itogu, la salalu nimasidailako ma ngale nitemo, “Ya, Jou! Igogou, Ngona gena ngomi nomiriwo sababu Ani laha ka ilamo poli!”

Rasul 10:2

Una magena de to una awi tahu ma raba moi manga sigogise daloha o Gikimoika de Unaka wodupa wisusuba. Una awi roriwo idala wahike o Yahudi ma nyawa isususaka de lo wodupa wosumbayang o Gikimoika.

Lukas 20:35

Duma o nyawa isosoneka la o Gikimoi wahiri itiaika bilasu o orasi ma simaka o dunia damomuaneka de ioho kali, ona magena he ikawi kawa.

Matius 8:20

Duma o Yesus wosango wotemo, “O boulamo o pongaka de ma aru de lo o namo de ma igu, duma Ngohi o Nyawa ma Duhutu Ai ngihi ihiwa la ma ngale tomasidodogu.”

Matius 24:43

“Nimasosininga to Ngohi Ai ade-ade komanena: Nakoso o tahu ma duhutu yanakoka o putu itongirabaka de manga tahu ma rabaka itotosi iwosa, de igogou ona asa yojaga isidodiahi ma ngale itotosi gena upa iwosa.

Matius 24:44

Komagena lo ngini bilasu nimajaga nisidodiahi la Ngohi nidamaha, sababu ngini nianakowa ma orasi muruoka de Ngohi o Nyawa ma Duhutu asa tomasidiado.”

Lukas 1:19

So o malaikat magena wotemo, “Ngohi manena Gabriel, o Gikimoi Awi sosulo o sorogano. Una ngohi woisulo la tahino kanena de o habari magena todedemo de tonisingangasu ngonaka.

Lukas 21:35

Sababu Ai wangeka magena asa o bi nyawa yangoduka yatodoka, maro o haiwani moi datodoka de o sabatolo.

2 Korintus 4:14

Igogou, o Jou Yesus o soneno o Gikimoi iwisioho kali. Komagena so ngomi mianako igogou maro ka o Yesus, so done ngomi lo asa o soneno womisioho kali, de ngomi dede ngini lo asa wonangoso to Una Awi simaka.

Gogelelo 6:17

Sababu Awi doosa so o sangisara ma wange wositotatapuka gena yaadoka, la kanaga o nyawa nagoona lo yaakuwa ioho.”

Gogelelo 7:9

Magena daboloka, de ato takelelo kali o nyawa kanaga he ka yadadala poli so, ngaroko, paeto lo paakuwa. Ona gena manga sihino o bi bangsa moi-moi, de o bi soa moi-moi, de lo o bi bahasa moi-moino. De kagena o Duba ma Goho de Awi pareta ma kursi ma simaka ona imaokoye, de o juba daaare imasitibaku de lo o tano ma bi soka yacohono.

Gogelelo 8:2

De ngohi takelelo o malaikat yatumudingi o Gikimoi Awi simaka imaookoye, de asa yahike onaka o trompet ngai tumudingi.

Gogelelo 11:4

Ona yasinoto magena imatero de o zaitun hutu sinoto de lo o silo ma dadami ngai sinoto o Jou o dunia wapopareta Awi simaka imaokoye.