Lukas 21:35 - O GIKIMOI AWI JAJI ma BUKU

³⁵ Sababu Ai wangeka magena asa o bi nyawa yangoduka yatodoka, maro o haiwani moi datodoka de o sabatolo.

Lukas 21:35 Referans Kwoze

Gogelelo 16:15

O Yesus wotemo, “He! Ngohi asa tahino nginika gena maro o nyawa wototosi moi. O nyawa nagoona gena asa yososanangi, nakoso manga oho yosidailako de manga baju gena salalu yahadoku manga dateka. Upa sidago ma orasika yotagi o nyawa manga simaka de ona ka imawatoka so done ona masirete yamade.”

Lukas 17:37

O Yesus Awi demo sidago kagena, de Awi muri-muri gena yosano Unaka, “Jou, kekiaka done asa idadi.” Una wasango wosiade-ade onaka, “Nakoso kanaga o sone ma bake, gena yanakoka sababu o bi namo idala asa imatolomu iodo. Komagena lo Ai hinoli o duniaka, upa tahino tomasipongoka, duma asa ka nianako.”

Rasul 17:26

De ma sihino o nyawa ma nonoma womatengo wisidadika asa o Gikimoi lo wosidadi o bi bangsa moi-moi o duniaka, de wasulo yodogoge o dunia manena ma dokuka, kiaka Una masirete wosidailako idomaka o orasi o kia de o riho kiaka bato ona aku ioho.

Dodadi 7:4

Sababu o wange tumudingi ma simaka de Ngohi asa taaka so o duniaku imuura ma deka o wange moruha de o putu moruha. O bi moi-moi iooho de tosidadadika gena dangodu asa Ngohi tasisa.”

Lukas 21:34

“Nimajaga daloha, upa sidago ngini nirame-rame ifoloi de nidalu, eko o orasi isigeto-geto niosininga ka nia oho o duniaka, sidago done Ai wange Ngohi tahino kali gena inisitodokano de ngini nimasidailako waasi.

Lukas 21:36

So bilasu ngini salalu nimajaga de nia dailakoka, de lo niwigolo o Gikimoika la ngini asa niamoku niputuru o sangisara dangodu kiaka asa idadadi gena, sidago aku Ngohi o Nyawa ma Duhutuka nirisima.”