Lukas 21:28 - O GIKIMOI AWI JAJI ma BUKU

²⁸ Nakoso o orasi magena isolano o bi moi-moi dangodu idadi, de ngini nia sininga nisiputuru de lo nimamataga, sababu ma orasi he imasidiado to ngini nia sangisarano asa inipalako.”

Lukas 21:28 Referans Kwoze

Roma 8:23

De upa ka cawali o bi moi-moi o Gikimoi wosidadadika, duma ngone masirete lo kanaga podamaha de nanga sininga foloisi danali. Sababu ngone pamake o Gurumi Datetebi gena maro o Gikimoi Awi ngongike ma nonoma ngoneka, so de nanga ngongano foloi ilamo asa podamaha done wonasimulia. Gena ma orasika done Una wonadehe ngone maro Awi ngopa masirete, so nanga rohe o dunia manena ma dorouno wosisupu.

Efesus 4:30

De o Gurumi Datetebi gena ngini upa niwisipeleso. Niososininga! O Gikimoi Awi Gurumi asa winihike la idadi o nonako moi igogou ngini gena nidadi to Una Awi nyawa, sidago ma orasi done asa yaado de to ngini nia dorouno aku winipalako.

Roma 8:19

Sababu o bi moi-moi Una wosidadadika gena dangodu kanaga manga ngongano foloi ilamo, de yodamaha ma orasi done asa to Una Awi ngopa gena wonasimane ngone inangoduka.

Lukas 18:7

De ma boboloika, o Gikimoi lo wodupa winiriwo itiai nginika de lo o nyawa ma somoali ningodu winihihirika, kiaka nagoona o putu de o wange igolo ikaeli Unaka. Igogou, Una ma orasi asa wodamahawa,

Efesus 1:14

Una Awi Gurumi Datetebi pamamake magena lo maro o jaji ma nonako moi isigogou, la o orasi ma simaka ngone asa pamake kali o bi moi-moi o Gikimoi Awi nyawa wajajajika, sidago ngone Awi nyawa gena nanga dorou lo wapalako dabolo. De magena waaka itiaika, la ma ngale o Gikimoi Awi laha ngoneka so Una bilasu powigiliri.

Lukas 13:11

de kanaga o ngopedeka moi o taungu mogiowo de tupaange dabolo mopanyake, sababu o toka mingosaka. Muna magena mopugu so momaoko momatiai lo maakuwa.

Lukas 21:29

Dabolo de o Yesus wosiade-ade wotemo onaka, “Niatailako o ara ma hutu de lo o gota ma hutu ma somoaka.