Lukas 21:22 - O GIKIMOI AWI JAJI ma BUKU

²² Sababu o orasi magena o Gikimoi Awi saturu wasangisara, ena gena ma orasi yaadoka, la o bi moi-moi isilelefo to Una Awi Jaji ma Buku ma rabaka dangodu asa isiganapu.

Lukas 21:22 Referans Kwoze

2 Petrus 2:9

Sababu o Jou waaka komagena, so ngini aku nianako igogou-gogou Una gena ka waaku nakoso o nyawa yodupa yaaka o bi moi-moi maro Una wodudupa gena, o sangisara ma rabaka lo wasisupu, de nakoso o nyawa yodupawa yaaka o bi moi-moi maro Una wodudupa gena, wabui ma ngale yodamaha ma wange yaado done manga dorou ma sopo wafanggali de o dorou.

2 Petrus 3:7

De lo ma ngale o dipa de o dunia o orasi manenaka Una wosulo kali so magena watingaka de wodamaha sidago ma wange yaadoka, la nakoso o nyawa yodupa yaaka o bi moi-moi Una wodudupawa, ona magena done manga dorou ma sopo wafanggali de o dorou. O orasi magenaka de asa o dipa de o dunia manena wosibodito de o uku la ma ngale o bi nyawa ma dorou gena wasisa.

Roma 2:5

Duma to ngini nia sininga datogoi so ngini niholu nimatoba de nimatoduba, de Una Awi doosa asa foloi idogo-dogo, sidago ma wangeka done Awi doosa wosimane de o nyawa manga dorou dangodu wafanggali itotiai.

Matius 1:22

O bi moi-moi dangodu magena bilasu idadi de imaaka la isiganapuka, imatero maro o kia idomaka o Gikimoi Awi demo ma nabi Yesaya wosilefo daboloka, ena gena,