Lukas 21:20 - O GIKIMOI AWI JAJI ma BUKU

²⁰ “Ma orasika asa niakelelo o Yerusalem isigilolino gena o saturu ma prajurit, de ngini asa nianako, igogou iteka kawa de o doku manena asa isituraba.

Lukas 21:20 Referans Kwoze

Lukas 19:43

Ma orasi done asa imasidiado, de nia saturu asa ngini inilawangi, de nifati inisigilolika kiano bato, sidago o ngeko moi lo ihiwa la ngini aku niloda.

Markus 13:14

“Ma orasika asa niakelelo o kia naga moi isironga ‘O Dorou Ilalamo’ gena isituraba o Gikimoi Awi Tahu. (Nako niabaca gena bilasu niatailako nisidodiahi o demo manena ma ngale.) So nakoso niakelelo, de nagoona o Yudea ma daeraka bilasu yoloda o talaye.

Lukas 21:7

Kagena de o Yesus Awi muri-muri wisano Unaka itemo, “Baba Guru, hika nomisingangasu muruoka asa o hali notetemo magena idadi. De lo nomisidumu o nonako o kia idadi nakoso ma orasi imasidiado.”

Matius 24:15

“Idodomaka ma nabi Daniel wosingangasu done o orasi ma simaka o kia naga moi isironga ‘O Dorou Ilalamo’ gena asa niakelelo isituraba o Gikimoi Awi Tahu. (Nako niabaca gena bilasu niatailako nisidodiahi o demo manena ma ngale.)

Ibrani 11:30

Ma ngale ona magena manga piricaya so o Yerikho ma doku ma boberesu o wange tumudingi ma deka yogiloli sidago lo ma boberesu gena asa irubaka.

Ibrani 12:1

So nako ngone gena, kanaga inasigilolino ona yadalali idodomaka isingangasu igogou o Gikimoi wipiricayaka. So komagena lo ngone nanga piricaya posiputuru o Gikimoika, imatero maro o goguule ma rabaka de o bi moi-moi o kia naga inafafati gena dangodu ngone paumo la pomagogora. So hino la o dorou lo paumo, upa sidago ngone jai-jai bato inasabatolo. De o ngeko kiaka o Gikimoi wositatapu nanga simaka gena, ngone lo bilasu nanga sininga posiputuru la pomagogora.